مراد علی شاہ نے کہا ہے کہ گزشتہ 24 گھنٹوں میں مزید 2469 نئے کورونا کیسز رپورٹ ہوئے ہیں۔

وزیراعلیٰ سندھ سید مراد علی شاہ نے کورونا وائرس کی صورتحال سے متعلق بیان دیتے ہوئے کہا ہے کہ گزشتہ 24 گھنٹوں میں 18951 نمونوں کی جانچ کی گئی جبکہ گزشتہ 24 گھنٹوں میں مزید 2469 نئے کیسز رپورٹ ہوئے ہیں۔

انہوں نے کہا کہ گزشتہ 24 گھنٹوں میں مزید20اموات رپورٹ ہوئیں ، اموات کی مجموعی تعداد 7785 ہوچکی ہے ، آج مزید 485 مریض صحتیاب ہوئے ہیں ، صحتیاب افراد کی مجموعی تعداد 476958 ہوچکی ہے۔

مراد علی شاہ نے کہا کہ اب تک 7520399 نمونوں کی جانچ کی جاچکی ہے ، اب تک 533724 کیسزرپورٹ ہوچکے ہیں جبکہ اس وقت 48981 مریض زیرعلاج ہیں ، 48505 گھروں میں،36 آئسولیشن سینٹرز میں اور440 مریض مختلف اسپتالوں میں زیر علاج ہیں۔

وزیراعلیٰ سندھ نے کہا کہ 391 مریضوں کی حالت تشویشناک بتائی گئی ہے ، 26 مریض وینٹی لیٹرز پر ہیں جبکہ صوبے کے 2469 نئے کیسز میں سے 1652 کا تعلق کراچی سے ہے۔

انہوں نے کہا کہ ضلع شرقی 527 ،ضلع جنوبی 513 ، ضلع وسطی307، کورنگی 123، ملیر 100 اور ضلع غربی میں سے 82 نئے کیسز رپورٹ ہوئے ہیں۔

مراد علی شاہ نے کہا کہ حیدرآباد 413، شہید بے نظیر آباد 39، بدین اور ٹھٹھہ 27۔27،سکھر25،لاڑکانہ 23،نوشہروفیروز اور تھرپارکر 22۔ 22،سجاول 21، کشمور19، خیرپور اور مٹیاری 18۔18، گھوٹکی اور ٹنڈو محمد خان 16۔ 16،شکارپور 12، جیکب آباد اور عمرکوٹ 11۔ 11،ٹنڈو الہیار6،جامشورو7،قمبر اور میرپورخاص 3۔ 3،  سانگھڑ2 اور دادو میں سے 1 نئے کیسز سامنے آئے۔

وزیراعلیٰ سندھ نے کہا کہ گزشتہ 24 گھنٹوں میں 186446 افراد کو ویکسین لگائی جاچکی ہیں۔