جب سے کورونا جیسی عالمی وبا پھیلی ہے دنیا بھر کے سائنسدان آئے دن نت نئے تجربے کر رہے ہیں، ایک نئے تجربے کے مطابق اب آپ کا ماسک کورونا وائرس کی خبر خود دے گا۔

تفصیلات کے مطابق جاپانی سائنسدانوں نے ایک ایسا فیس ماسک تیار کر لیا ہے جو خود یہ نشاندہی کر سکتا ہے کہ آپ کورونا وائرس کا شکار ہیں یا نہیں، کیوٹو یونیورسٹی کے ماہرین کی جانب سے ارگرد کورونا وائرس کی موجودگی کو جاننے کے لیے ایک نئے اور منفرد طریقہ کار پر کام شروع کردیا ہے۔

جاپان کے ماہرین کی جانب سے تیار کردہ یہ ماسک الٹرا وائلٹ روشنی میں اس وقت جگمگانے لگتے ہیں جب ان پر کورونا وائرس موجود ہو، تاہم اس ماسک کی آزمائش بھی کی گئی ہے جس کے نتائج بھی مثبت آئے ہیں۔

اس نئی تحقیق اور آزمائش کے لئے اس مقصد کے لیے محققین نے شترمرغ کے انڈوں سے اینٹی باڈیز کو لے کر انہیں ناکارہ کورونا وائرس میں انجیکٹ کیا گیا۔

اس کے بعد جب ان ماس کو پہنا کر اتارا کر فلٹر کو باہر نکالا گیا اور پھر اس پر ایک کیمیکل اسپرے کیا گیا، جس سے ان ماسک اور اس کے فلٹر پرموجود کورونا وائرس الٹرا وائلٹ روشنی میں جگمگانے لگتے ہیں۔

رپورٹ کے مطابق اس تحقیق میں 32 ایسے افراد کو شامل کیا گیا تھا جو تمام کورونا وائرس کا شکار تھے اور ان سب کے ماسک الٹرا وائلٹ روشنی میں جگمگانے لگے۔

جاپانی محقیقین کی خواہش ہے کہ ان کے تیار کردہ ماسک ہر ایک کے لیے دستیاب ہوں اور لوگ ان ماسک کا استعمال کر کے خود کورونا کی نشاندہی کر سکیں۔