امریکی پولیس نے دعویٰ کیا ہے کہ ان کے پاس معروف فٹ بالر کے خلاف گرفتاری کے تمام شواہد موجود ہیں ، لیکن ایک اعلیٰ عہدیدار کی وجہ سے کاروائی سے روکا گیا ہے۔
کرسٹیانو رونالڈو پر کیتھرین میورگا نامی ایک خاتون نے الزام عائد کیا ہے کہ انہوں نے لاس ویگاس کے ایک ہوٹل میں انہیں جنسی تشدد کا نشانہ بنایا۔
بین الاقوامی میڈیا کے مطابق لاس ویگاس کی پولیس نے بھی کرسٹیانو رونالڈو کے خلاف تحقیقات کی تصدیق کی ہے ۔
لاس ویگاس کی پولیس کے ترجمان نے کہا ہے کہ رونالڈو کی گرفتاری کے لئے ہمارے پاس تمام درکار شواہد موجود ہیں لیکن ایک اعلیٰ عہدیدار نے گرفتاری سے منع کیا ہے۔
پولیس ترجمان کے مطابق کرسٹیانو رونالڈو کی گرفتاری کے وارنٹ جاری کئے گئے تھے مگر امریکی ریاست نیواڈا کے کلارک کاؤنٹی کے ڈسٹرکٹ اٹارنی اسٹیو وولفسن نے مقدمے کی پیروی سے انکار کر دیا ہے۔
دوسری جانب متاثرہ خاتون کے وکیل نے میڈیا کو بتایا کہ کرسٹیانو رونالڈو کی گرفتاری میں اسٹیو وولفسن حائل ہیں ، حالانکہ ان کی گرفتاری کے لئے تمام قانونی تقاضوں کو پورا کیا گیا ہے۔
واضح رہے کہ ابھی تک اس کیس کے حوالے سے معروف فٹ بالر کی جانب سے کوئی بیان سامنے نہیں آیا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News