وزیراعظم عمران خان کے معاونِ خصوصی برائے سیاسی روابط ڈاکٹر شہباز گل  نے کہا ہے کہ عمران  خان کا اللہ پر بھروسہ ہے اور کسی چور سے ڈیل نہیں کرے گا۔

سماجی رابطے کی ویب سائٹ پر ٹویٹ کرتے ہوئے شہباز گل نے لکھا کہ عمران خان ملک کی دولت لوٹنے والوں کو کسی صورت NRO نہیں دے گا۔

عمران خان ملک کی دولت لوٹنے والوں کو کسی صورت NRO نہیں دے گا۔ خان کا اللہ پر بھروسہ ہے اور کسی چور سے ڈیل نہیں کرے گا pic.twitter.com/GArfzqn3pV

— Dr. Shahbaz GiLL (@SHABAZGIL) February 11, 2022

شہباز گل نے وزیراعظم کی تصویر شیئر کی اور لکھا کہ عمران  خان کا اللہ پر بھروسہ ہے اور کسی چور سے ڈیل نہیں کرے گا۔

اس سے قبل معاون خصوصی برائے سیاسی ابلاغ ڈاکٹر شہباز گل نے پریس کانفرنس کرتے ہوئے کہا ہے کہ شہبازشریف کیس ختم ہوگیا تو ٹوئٹ کردیں ، جھوٹ جتنے مرضی بول لیں،وہ جھوٹ رہے گا۔

انہوں نے کہا کہ عوام کو جھوٹ بول کر ہر بار گمراہ کیا جاتا ہے، 15 سے 16 لوگوں کے اکاؤنٹس میں 16ارب ڈلوایا گیا ، باربار جھوٹ بولا جارہا ہے تاکہ سچ لگے۔

شہباز گل نے کہا ہے کہ مریم اورنگزیب نے آج میڈیا کے سامنے پھر جھوٹ بولا ، مریم اورنگزیب شہبازشریف کی ضمانت کا ثبوت پیش کریں ، مریم اورنگزیب نے کہا شہبازشریف کو برطانوی عدالت سے ضمانت ملی۔

معاون خصوصی برائے سیاسی ابلاغ نے کہا کہ تحقیقات سلمان شہباز کیس پر ہورہی تھیں ، آپ 36 بار ناکام ہوچکے ہیں،37 ویں بار بھی ہونگے ، قطری کون تھے انہوں نے آپکو اپارٹمنٹ کیوں دیئے؟

انہوں نے کہا کہ امید ہے کسی دن آپ عوام سے سچ بولیں گے، جب ٹولے نے سچ بولا اس دن سرکاری تعطیل کا اعلان کرینگے۔