بھارتی کرکٹ بورڈ نے ویسٹ انڈیز میں انڈر 19 ورلڈ کپ جیتنے والی بھارتی کرکٹ ٹیم اور سپورٹنگ اسٹاف پر اپنی تجوری کے منہ کھول دیئے۔

بھارتی ٹیم نے ہفتہ کو ریکارڈ 5 ویں مرتبہ انڈر 19 ورلڈ کپ کا ٹائٹل جیتا اور ٹیم نے فائنل میچ میں انگلینڈ کو 4 وکٹوں سے شکست دے دی۔ ہندوستان نے اپنا پہلا ٹائٹل 2000 میں محمد کیف کی کپتانی میں جیتا تھا۔

بھارتی کرکٹ ٹیم کے ٹائٹل جیتنے کے بعد بی سی سی آئی نے ٹیم کے تمام کھلاڑیوں اور سپورٹنگ اسٹاف کے لئے لاکھوں روپے فی کس انعام کا اعلان کیا ہے۔

واضح رہے کہ انڈر 19 ورلڈ کپ میں بھارتی کرکٹ ٹیم نے ناقابل شکست رہتے ہوئے ٹرافی اپنے نام کی۔

ٹیم نے ہفتے کی رات کھیلے گئے فائنل میں انگلینڈ کو 4 وکٹوں سے شکست دی تھی۔ بھارتی کرکٹ ٹیم نے پانچویں مرتبہ یہ ٹائٹل اپنے نام کیا ہے۔

میچ میں انگلینڈ نے ٹاس جیت کر پہلے کھیلتے ہوئے 189 رنز بنائے ، جواب بھارتی کرکٹ ٹیم مطلوبہ ہدف 47.4 اوورز میں 6 وکٹوں کے نقصان پر حاصل کر لیا۔

Congratulations #BoysInBlue on winning the @ICC U19 World Cup. This is a Very Very Special @VVSLaxman281 win against all odds. Each of our youngsters has shown the heart and temperament needed to make history in these trying times #INDvENG #U19CWCFinal pic.twitter.com/amuzSbarbc

— Jay Shah (@JayShah) February 5, 2022

بھارت کی انڈر 19 کرکٹ ٹیم نے 2000 ، 2008 ، 2012 ، 2018  اور 2022 میں انڈر 19 ورلڈ کپ کا تاج اپنے سر سجایا ہے۔

فائنل میں بھارتی کرکٹ ٹیم کی جیت کے بعد بھارتی کرکٹ بورڈ کے سیکریٹری جے شاہ نے سماجی رابطے کی ویب سائٹ پر کہا کی ٹیم انڈیا نے شاندار کارکردگی کا مظاہرہ کیا ہے۔

بھارتی انڈر 19 کرکٹ ٹیم کے ہر کھلاڑی کے لئے فی 40 لاکھ روپے اضافی انعامی بونس کا اعلان کیا گیا ہے۔ جبکہ سپورٹنگ اسٹاف کو بھی انعامات دیئے جائیں گے۔

بھارت کی نیشنل کرکٹ اکیڈمی کے سربراہ اور سابق کھلاڑی وی ایس لکشمن بھی ٹیم کے ہمراہ ویسٹ انڈیز میں موجود تھے انہیں بھی نقد رقم کا انعام دیا جائے گا۔

بھارت کرکٹ بورڈ کے سربراہ سارو گنگولی نے بھی ورلڈ کپ جیتنے والی ٹیم ، سپورٹنگ اسٹاف اور سلیکٹرز کی تعریف کی اور انہیں مبارکباد دی ، انہوں نے کہا کہ انعام ایک چھوٹی سا نذرانہ ہے۔

بی سی سی آٗئی کے سربراہ سارو گنگولی نے کہا انڈر 19 کھلاڑیوں کی کارکردگی کی تعریف کرنا ایک چھوٹی سی علامت ہے ، ان کی کاوشیں بہت زیادہ ہیں۔

واضح رہے کہ پاکستان کی انڈر 19 ٹیم اس ورلڈ کپ کے سیمی فائنل میں آسٹریلیا کے ہاتھوں شکست سے دوچار ہو کر ایونٹ سے باہر ہو گئی تھی، گرین شرٹس نے ایونٹ میں پانچویں پوزیشن حاصل کی تھی۔