انگلش پریمئیر لیگ: لیور پول، برنلے اور کرسٹل پیلس امتحان میں سرخرو

عمران اقبال

24th Feb, 2022. 09:33 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

انگلش پریمئیر لیگ: لیور پول، برنلے اور کرسٹل پیلس امتحان میں سرخرو

انگلش پریمئیر لیگ میں لیور پول فٹ بال کلب سمیت برنلے اور کرسٹل پیلس اپنے امتحان میں سرخرو ہو گئے ہیں۔

برنلے نےٹاٹینہم ہاٹ پور کو، کرسٹل پیلس نے واٹفورڈ کو اور لیور پول نے لیڈ ز یونائیٹڈ کو شکست دی۔

انگلش پریمیئر لیگ میں کھیلے گئے پہلے میچ میں برنلے کی ٹیم کا مقابلہ ٹاٹینہم ہاٹ پور سے تھا یہ میچ ٹرف مور، برنلے میں کھیلا گیا۔

اس میچ میں برنلے نے سخت مقابلے کے بعد ٹاٹینہم ہاٹ پور کو 0-1 گول سے شکست دی۔ فاتح ٹیم کی طرف سے واحد گول بین می نے سکور کیا۔

دوسرا میچ کرسٹل پیلس اور واٹفورڈ کی ٹیموں کے درمیان ویکراج روڈ ،واٹفورڈ کے مقام پر کھیلا گیا جس میں کرسٹل پیلس نے واٹفورڈ کی ٹیم کے خلاف ایک کے مقابلے میں چار گول کے بھاری مارجن سے کامیابی سمیٹی۔

کرسٹل پیلس کی فتح میں جین فلپ میٹیٹا اور کونور گالاگھرنے ایک،ایک جبکہ ولفریڈ زاہا نے دو گول سکور کر کے اہم کردار ادا کیا۔

تیسرے میچ میں لیورپول اور لیڈز یونائیٹڈ کی ٹیمیں آمنے سامنے تھیں جس میں لیور پول کی ٹیم نے عمدہ کارکردگی کا مظاہرہ کرتے ہوئے یکطرفہ مقابلے کے بعد لیڈز یونائیٹڈ کو 0-6 گول سے ہرا دیا۔