بلوچستان کی تحصیل و ضلع زیارت و ملحقہ علاقوں میں ہلکی ہلکی برفباری کا سلسلہ شروع ہوگیا ہے۔
محکمہ موسمیات کے مطابق شہر میں دو سے تین انچ کے قریب برفباری ریکارڈ کی گئی ہے، برفباری کا یہ سلسلہ زیارت کے علاقہ چوتیر، منہ، کواس زندرہ میں بھی ریکارڈ کیا گیا ہے۔
محکمہ موسمیات نے بتایا کہ ضلع میں برفباری سے سردی کی شدت میں اضافہ ہوگیا ہے، جس کے باعث گیس کی سپلائی مکمل معطل ہوچکی ہے۔
دوسری جانب ملک کے بیشتر شہروں میں آج موسم سرد اور خشک جبکہ پہاڑی علاقوں میں شدید سرد رہے گا۔
محکمہ موسمیات کے مطابق آج اسلام آباد سمیت صوبہ پنجاب کے بیشتر اضلاع میں موسم سرد جبکہ گرد آلود ہواؤں اورگرج چمک کے ساتھ بارش اور مری، گلیات میں برفباری کا بھی امکان ہے۔
محکمہ موسمیات نے بتایا کہ صوبہ خیبرپختونخواہ کے بیشتر اضلاع میں مطلع ابرآلود رہے گا تاہم وزیرستان، کوہاٹ، کرم ، کوہستان، شانگالہ، بونیر،مانسہرہ،ایبٹ آباد، ہری پور، نوں اور ڈی آئی خان میں تیز،گرد آلود ہواؤں اورگرج چمک کے ساتھ بارش اور پہاڑوں پر برفباری کا امکان ہے۔
محکمہ موسمیات نے مزید بتایا کہ صوبہ سندھ کے بیشتر اضلاع میں بھی آج موسم خشک اور سرد رہے گا تاہم کراچی، سکھر،لا ڑکانہ ،شہید بینظیرآباد،حیدر آباد اور گردونواح میں گرد آلود ہوائیں اور جھکڑ چلنے کا امکان ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News