وزیراعظم کا دورہ روس ، امریکہ کو اعتماد میں لینے کا فیصلہ

ویب ڈیسک

10th Feb, 2022. 05:57 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

وزیراعظم کا دورہ روس ، امریکہ کو اعتماد میں لینے کا فیصلہ

وزیراعظم عمران خان کے دورہ روس پر امریکہ کو اعتماد میں لینے کا فیصلہ کرلیا ہے۔

سفارتی ذرائع کی جانب سے جاری کردہ بیان کے مطابق ملک کے دو اعلیٰ ترین شخصیات جلد واشنگٹن (امریکہ) کا دورہ کریں گی، اعلیٰ شخصیات کے دورہ امریکہ کے لئے 16 فروری کی تاریخ طے کی جا رہی ہے۔

سفارتی ذرائع کا کہنا ہے کہ ملکی شخصیات دورہ روس کی ضرورت پر امریکی حکام کو اعتماد میں لیں گی ، اہم شخصیات امریکی حکام کو دورہ روس کے حوالے سے تفصیلاً بریفنگ دیں گی۔

سفارتی ذرائع کے مطابق عمران خان کے دورہ روس کے لیے 23،24اور 25 فروری کی تاریخوں پر غور کیا جا رہا ہے۔

سفارتی ذرائع کا کہنا ہے کہ امریکی حکام پر واضح کیا جائے گا روسی حکام کے ساتھ گیس پائپ لائن اور افغانستان کی صورتحال پر بات ہوگی۔

سفارتی ذرائع کا یہ کہنا ہے کہ امریکی حکام کو روس کا فلیگ شپ گیس پائپ لائن منصوبہ کی پاکستان کے لیے اہمیت سے آگاہ کیا جائے گا، امریکی حکام کو بتایا جائے گا کہ مذکورہ منصوبے میں ترمیم کرتے ہوئے اسے بین الحکومتی معاہدے کی شکل دی گئی ہے۔

سفارتی ذرائع کا مزید کہنا ہے کہ روس کے اس گیس پائپ لائن منصوبے سے صوبہ سندھ (کراچی) کو صوبہ پنجاب کے ساتھ ملایا جائے گا، اس منصوبے کی بدولت پاکستان کے ساحلی علاقوں سے درآمد شدہ مائع قدرتی گیس کو پنجاب کے صنعتی علاقوں تک لایا جائے گا۔