(ن) اور(ق) لیگ کے سینئر رہنماؤں میں خفیہ ملاقاتوں کا انکشاف، اہم پیشرفت متوقع

ویب ڈیسک

12th Mar, 2022. 06:49 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

(ن) اور(ق) لیگ کے سینئر رہنماؤں میں خفیہ ملاقاتوں کا انکشاف، اہم پیشرفت متوقع

پاکستان مسلم لیگ (ن) اور(ق) کے سینئر رہنماؤں میں رابطے اور خفیہ ملاقاتوں کا انکشاف ہوا ہے۔

مسلم لیگ (ق) کے ذرائع کے مطابق دونوں جماعتوں کے درمیان سینئر رہنماء اتحاد کی کوششیں کررہے ہیں۔

ذرائع نے بتایا کہ مسلم لیگ (ن) اور(ق) میں اتحاد کے لیے جلد پیش رفت اور اہم فیصلہ متوقع ہے۔

ذرائع نے یہ بھی کہا کہ دونوں جماعتوں کو ایک کرنے سے متعلق چوہدری شجاعت مرکزی کردار ادا کررہے ہیں۔

یاد رہے وزیراعظم عمران خان کے خلاف تحریک عدم اعتماد کے معاملے پر اپوزیشن اور چوہدری برادران کے درمیان کئی ملاقاتیں ہوئیں جس میں کوئی اہم پیش رفت نہ ہوسکی۔

مسلم لیگ (ق) کا اپوزیشن کے ساتھ جانے کا اشارہ

3 روز قبل پاکستان مسلم لیگ (ق) نے وزیر اعظم عمران خان کو اپوزیشن کے ساتھ جانے کا اشارہ دیا تھا۔

وزیر اعظم عمران خان سے مسلم لیگ (ق) کے رہنما اور وفاقی وزیر طارق بشیر چیمہ کی ملاقات کی اندرونی کہانی سامنے آئی جس میں طارق بشیر چیمہ نے وزیر اعظم کو حکومتی ارکان کے منحرف ہونے پر پہلی بار اپوزیشن کے ساتھ جانے کا اشارہ دیا۔

وفاقی وزیر نے وزیر اعظم کو کہا کہ سیاسی اتحاد کے معاملات میں مسلم لیگ (ق) حکومت کے ساتھ کھڑی ہے۔

(ق) لیگی رہنما نے کہا کہ اگر تحریک انصاف کے 15 سے 20 ارکان اپوزیشن سے مل گئے تو پھر ہم بھی اپوزیشن کے ساتھ جانے پر مجبور ہوں گے۔

Catch all the Business News, Breaking News Event and Latest News Updates on The BOL News

Download The BOL News App to get the Daily News Update & Live News