بالی وُڈ کی نئی فلم ‘بچن پانڈے’ کی ریلیز سے قبل اکشے کمار کو بڑا دھچکا لگ گیا۔
بھارتی میڈیا رپورٹ کے مطابق بالی وڈ سپر اسٹار اکشے کمار، کریتی سینن اور ارشد وارثی کی فلم پائریسی کا شکار ہوگئی۔
بھارتی میڈیا کا کہنا ہے کہ ہدایت کار فرہاد سمجی کی فلم ‘بچن پانڈے’ سنیما گھروں میں ریلیز سے قبل ہی انٹرنیٹ پر لیک ہوگئی ہے جس کی وجہ سے فلم کی پروڈکشن سمیت کاسٹ کو بڑا دھچکا لگا ہے۔
یاد رہے کہ نئی فلم بچن پانڈے آج یعنی 18 مارچ کو سیمنا گھروں میں ریلیز ہوئی ہے جو کہ ریلیز سے قبل ہی انٹرنیٹ پر لیک ہو چکی تھی۔
بھارتی میڈیا کے مطابق گزشتہ ہفتے بھی دو اور بھارتی فلمیں ریلیز سے قبل انٹرنیٹ پر لیک ہوگئی تھیں۔
اس فلم کے نام کے حوالے سے بات کرتے ہوئے اکشے کمار نے بتایا کہ جب ‘ہاؤس فل 4‘ کی کامیابی پر منعقدہ تقریب میں ابھیشیک بچن اور چنکی پانڈے کی تصویر دیکھی تو ‘بچن پانڈے’ کے ٹائٹل کا خیال آیا۔
یاد رہے کہ اکشے کمار کو اس فلم میں بہت عرصے بعد ولن کا کرداد ادا کرتے دیکھا جائے گا یہی وجہ ہے کہ اکشے کے مداح اس فلم کی ریلیز کا بےحد بےصبری سے انتظار کر رہے تھے تاہم آج یہ فلم ریلیز کر دی گئی ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News