معروف پاکستانی اداکارہ ثنا جاوید کے میک اپ آرٹسٹ اکرام گوہر نے ان پر ایک سنگین اور شرمناک الزام عائد کیا ہے۔
آرٹسٹ اکرام گوہر نے ثنا جاوید اور اپنی تصویر شیئر کرتے ہوئے ان کے رویے سے متعلق لب کشائی کرتے ہوئے انہیں کھری کھری سنا دی۔
اکرام نے اپنی پوسٹ میں لکھا کہ گزشتہ روز ہماری بہترین فیشن ماڈل، عزت دار اور رحم دل شخصیت منال سلیم نے ثنا جاوید کے رویے سے متعلق ایک اسٹوری شیئر کی جس میں ثنا نے منال کو دو ٹکے کی ماڈل قرار دیا۔
آرٹسٹ نے تنقید کرتے ہوئے کہا کہ ثنا ہوتی کون ہیں منال کو دو ٹکے کی کہنے والی؟
ساتھ ہی اکرام نے انکشاف کیا کہ ثنا نے مجھے ڈی ایچ اے میں واقع بنگلے پر نکاح کے ٹرائل میک اپ کے لیے بلایا اور مجھے بتایا کہ میں اپنے نکاح کا فائنل میک اپ آپ سے ہی کرانا چاہتی ہوں۔
انہوں نے بتایا کہ ثنا مجھے روزانہ کال کرتیں اور کسی بہت نرم دل خاتون کی طرح مجھ سے بات کرتیں اور ایسا محسوس کراتیں کہ وہ اس دنیا میں اکیلی ہی میری دوست ہیں۔
AdvertisementAdvertisementView this post on InstagramAdvertisementAdvertisementAdvertisementAdvertisement
میک اپ آرٹسٹ کا کہنا تھا کہ نکاح کے روز جب میں وہاں پہنچا تو میک اپ شروع ہونے کے بعد ثنا جاوید نے 4 گھنٹے تک صرف ایک آئی شیڈو کے لیے مجھے ٹارچر کیا، اس دوران اداکارہ نے 10 بار آئی میک اپ ریموو کیا اور مجھ سے برا سلوک کیا۔
ان کا مزید کہنا تھا کہ ان 4 گھنٹوں کے دوران جب مجھے واش روم جانے کی ضرورت پیش آئی تو میں نے اداکارہ سے درخواست کی، جس پر انہوں نے انکار کردیا اور کہا کہ گھر کے سامنے جو ریسٹورینٹ ہیں وہاں کا واش روم استعمال کرو، بلآخر 4 گھنٹوں بعد ثنا نے مجھے کہا کہ میں نان پروفیشنل ہوں اور میک اپ کرنا نہیں جانتا۔
اکرام نے بتایا کہ ایسا سلوک انہوں نے صرف میرے ساتھ ہی نہیں بلکہ میرے چند دوستوں کے ساتھ بھی کیا۔
آرٹسٹ نے اپنی پوسٹ میں ثنا جاوید کو مخاطب کرتے ہوئے لکھا کہ میں صرف اتنا کہوں گا کہ آپ غیر پیشہ ور اور خوفناک ہیں، ہم پر نہیں انڈسٹری میں آپ پر پابندی لگنی چاہیے، ہم محنتی عزت دار لوگ ہیں اور ہم سب برابر ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News