پاکستان کے معروف اداکار یاسر حسین نے عاصم اظہر کی منگیتر اور اداکارہ میرب کو مشورہ دیا ہے کہ وہ عاصم کو ایک خاص چیز سے دور رکھیں۔

رپورٹ کے مطابق گزشتہ روز پاکستان کے معروف گلوکار عاصم اظہر اور اداکارہ و ماڈل میرب علی کی منگنی کی رسم ہوئی ہے جس کے بعد سے انہیں شوبز کے کئی ستارے مبارکباد دیتے ہوئے دکھائی دے رہے ہیں۔

ایسے میں پاکستان کے معروف اداکار اور میزبان یاسر حسین نے اپنی نئی نویلی بھابھی میرب کو مشورہ دیا ہے کہ وہ عاصم کو انسٹاگرام کی منفیت سے دور رکھیں۔

یاسر حسین نے انسٹا گرام پر اسٹوری لگائی اور کہاکہ ‘میرب عاصم کاخیال رکھیں اور اسے انسٹاگرام کی منفیت سے دور کھیں اور مزے کریں’۔

واضح رہے کہ میرب اور عاصم اظہر کی منگنی ٹوئٹر پر ٹاپ ٹرینڈ میں شامل رہی ہے اور اس کے بعد ہانیہ عامر بھی ٹوئٹر پر ٹاپ ٹرینڈ میں رہیں۔

دوسری جانب منگنی کے اعلان کے بعد انسٹاگرام کے کچھ پیجز نے یہ دعویٰ کیا کہ ان کی منگنی جولائی 2021 میں ہوگئی تھی جس کی وجہ میرب کی والدہ روزینہ خان کی انسٹاگرام پوسٹ تھی۔

سوشل میڈیا پیجز اور صارفین کی جانب سے کہا جا رہا ہے کہ میرب کی والدہ نے اپنی اور عاصم کی والدہ گلِ رانا کی تصویر 21 جولائی 2021 کو انسٹاگرام پر لگائی تھی جس میں دونوں نے عاصم کی منگنی والا لباس پہن رکھا تھا جب کہ ہیئر اسٹائل بھی ایسا ہی تھا۔

تاہم اس تصویر کے وائرل ہونے کے بعد روزینہ خان نے اسے اپنے اکاؤنٹ سے ڈیلیٹ کر دیا تھا جس کی وجہ سے یہ تصویر اب ان کے انسٹاگرام پر نہیں ہے۔