معروف پاکستانی اداکارہ و ماڈل نے کہا ہے کہ انہیں عرفان خان کے آخری دِنوں میں ان سے رابطے میں نہ رہنے پر افسوس ہے۔

غیر ملکی میڈیا رپورٹ کے مطابق خوبرو اداکارہ صبا قمر نے نجی ویب سائٹ کو دیئے ایک انٹرویو میں کہا ہے کہ انہیں اس بات کا بےحد رنج ہے کہ شوٹنگز میں مصروف ہونے کے باعث وہ بھارتی اداکار عرفان خان کے آخری دنوں میں اس نے رابطہ نہیں کر سکیں۔

بھارتی میڈیا رپورٹ کے مطابق 2017 میں عرفان خان کے ساتھ اس فلم میں کام کرنے کے بعد صا قمر نے کسی اور انڈین فلم میں کام نہیں کیا، کیونکہ پاکستان اور انٖڈیا کے درمیان تعلقات کشیدہ ہوگئے اور پاکستانی اداکاروں پر انڈیا میں غیراعلانیہ پابندی لگ گئی۔

بھارتی نجی ویب سائٹ سے بات کرتے ہوئے صبا قمر نے سیٹ پر عرفان کے ساتھ گزارے ہوئے خوش لمحات کو یاد کرتے ہوئے کہا کہ افسوس ہے کہ میں کینسر کی وجہ سے انتقال سے قبل عرفان کے ساتھ بات نہیں کرسکی۔

انہوں نے کہا کہ ’میں پچھتاتی ہوں۔ فلم مکمل ہونے کے بعد جب ان کی حالت خراب ہوئی تو میں سوچتی رہی کہ ان سے بات کروں، لیکن میں شوٹنگ میں مصروف رہی اور سفر میں رہی اور بات نہ کرسکی۔‘

صبا قمر نے کہا کہ ’جب میں نے عرفان خان کے انتقال کی خبر سنی تو میں ہل کر رہ گئی۔ اس دن میں نے سوچا کہ بندے کو وقت پر کام کرنا چاہیے کیونکہ گیا وقت پھر نہیں آتا۔‘

’اگر آپ کسی سے معذرت کرنا چاہتے ہیں، یا اپنے پیار کا اظہار کرنا چاہتے ہیں تو کردیں کیونکہ یہ وقت دوبارہ نہیں آئے گا۔ تو مجھے اس بات کا افسوس ہے کہ کاش میں نے ان کے ساتھ بات کرلی ہوتی اور رابطے میں رہتی۔‘

انہوں نے کہا کہ ’وہ بہت عمدہ اداکار تھے، ان کے ساتھ کام کرکے مزہ آیا ۔‘

یاد رہے کہ صبا قمر جلد انڈین سکرین پر ’زندگی‘ کی ویب سیریز ’مسز اینڈ مسٹر شمیم‘ میں اپنی اداکاری کے جوہر دکھائیں گی۔