سابق وزیراعظم اور پاکستان تحریک انصاف کے چیئرمین عمران خان نے گزشتہ روز ہونے والے جلسے کی کامیابی پر لاہور کا شکریہ ادا کیا ہے۔

 سماجی رابطے کی ویب سائٹ پر اپنے ایک پیغام میں چیئرمین پی ٹی آئی عمران خان نے لاہور کا شکریہ ادا کیا ہے۔

Thank you Lahore for the massive support & the biggest jalsa in my 26 years in politics; and the most responsive and passionate audience. #امپورٹڈ_حکومت_نامنظور pic.twitter.com/T9UC6x16xm

Advertisement

— Imran Khan (@ImranKhanPTI) April 22, 2022

 انہوں نے اپنے پیغام میں کہا ہے کہ 26 سال کی سیاست میں سب سے بڑے جلسے اور حمایت پر لاہورکا شکریہ ادا کرتا ہوں۔

انہوں نے کہا کہ لاہور جلسے میں سب سے زیادہ پر جوش اور ردعمل والے حاضرین موجود تھے۔

خیال رہے کہ گزشتہ روز لاہور کے گریٹر اقبال پارک میں جلسہ عام سے خطاب کرتے ہوئے عمران خان نے  کہا کہ ہم نے نہ غلامی قبول کرنی اور نہ یہ امپورٹڈ حکومت قبول کریں گے کیوں کہ جب باہر سے سلیکٹ ہو کر لوگوں پر مسلط کی جانے والی حکومت سلیکٹڈ ہوتی ہے

انہوں نے کہا کہ یہ سازش اس وقت کی گئی جب تحریک انصاف کی حکومت میں پاکستان ترقی کر رہا تھا، تاریخی ان لوگوں کو کبھی معاف نہیں کرے گی۔

سابق وزیراعظم کا کہنا تھا کہ برصغیر میں سب سے کم بے روزگاری پاکستان میں تھی اور ہم نے سب کو پیچھے چھوڑ دیا تھا۔

انہوں نے کہا کہ میں اور کچھ نہیں چاہتا بس یہ چاہتا ہوں کہ اس ملک میں جلد از جلد الیکشن کرائے جائیں۔

سابق وزیراعظم کا کہنا تھا کہ شرکاء کو مخاطب کرتے ہوئے کہا کہ آپ لوگ ہمیں ووٹ دیں یہ نا دیں لیکن خدا کے واسطے ان لوٹوں کو ساری زندگی ووٹ نہ دینا