حمزہ شہباز کی حلف برداری کے بعد صوبہ پنجاب میں نئی حکومت قائم ہوگئی ہے۔

نئی حکومت کی زیر اثر نئی کابینہ کی تشکیل اہم ترین مرحلہ ہے جس کے لئے ناموں پر مشاورت جاری ہے۔

ن لیگ کی جانب سے دو مرحلوں میں مختصر کابینہ تشکیل دینے پر غور کیا جارہا ہے۔

پہلے مرحلے میں اتحادیوں کو وزارتیں دی جائیں گی جس میں میاں مجتبیٰ شجاع الرحمان کا نام وزارت کے لئے زیر غور ہیں۔

اس کے علاوہ رانا مشہود احمد خان کا نام وزیرتعلیم  کے لئے زیرغور ہے جبکہ خواجہ سلمان رفیق اور خواجہ عمران نذیر کو  صحت کی وزارت دی جائے گی اور بلال یاسین کو وزیر خوراک  بنایا جائے گا۔

دوسری جانب پیپلزپارٹی سے سید حسن مرتضی اور علی حیدر گیلانی وزیر ہوں گئے جبکہ محسن جگنو کا نام بھی وزارت کے لئے زیر غور ہے اور اسپیکر پنجاب اسمبلی کا عہدہ ترین گروپ کو دیا جائے گا۔

خیال رہے کہ شہباز شریف کی کابینہ میں شامل  اچھی کارکردگی والے وزراء کو پھر سے وہی قلم دان سونپے جائے گے۔

واضح رہے کہ آج حمزہ شہباز نے بطور وزیراعلیٰ پنجاب حلف اٹھایا ہے جس کے بعد وہ پنجاب کے 21ویں وزیراعلیٰ بن گئے ہیں۔

 اس حوالے سے نوٹیفکیشن بھی جاری کردیا گیا ہے اور سابق وزیر اعلیٰ عثمان بزدار کو کام کرنے سے روک دیا گیا ۔

اس موقع پر حمزہ شہباز کو گارڈ آف آنر بھی پیش کیا گیا ۔