شاہی خاندان کے مداحوں کا میگھن مارکل اور وِل اسمتھ کا موازنہ کرنے پر اظہارِ برہمی۔
غیر ملکی میڈیا رپورٹ کے مطابق برطانوی شاہی خاندان کے مداح ڈچز آف سسیکس میگھن مارکل کا کامیڈین و اداکار وِل اسمتھ سے موازنہ کیے جانے پر برہم ہوگئے۔
برطانوی میڈیا کا کہنا ہے کہ امریکی ٹیلی ویژن کی میزبان میگین کیلی نے میڈیا سے گفتگو میں آسکرز 2022 میں اداکار وِل اسمتھ کے روّیے کا موازنہ میگھن مارکل کے اوپرا ونفرے کے انٹرویو میں برطانوی شاہی خاندان کے لیے اختیار کیے گئے رویّے سے کیا تھا جس پر شاہی خاندان کے مداح برہم ہو گئے۔
میگین کیلی کی جانب سے میگھن مارکل کا وِل اسمتھ سے موازنہ کرنا شاہی خاندان کے مداحوں کو بلکل پسند نہیں آیا جس پر انہوں نے غصے کا اظہار کیا۔
میگین کیلی نے میڈیا سے گفتگو کرتے ہوئے وِل اسمتھ اور کرس راک کے معاملے کو ’سلیپ گیٹ‘ قرار دے دیتے ہوئے کہا کہ ’وہ میگھن مارکل اور وِل اسمتھ کو ایک ہی کشتی کا مسافر سمجھتی ہیں کیونکہ میگھن مارکل نے بھی اسی طرح روتے ہوئے شاہی خاندان پر نسل پرستی کا الزام لگایا اور یہ بھی بتایا کہ شاہی محل میں ان کی زندگی کتنی مشکل ہے‘۔
میزبان نے میگھن مارکل پر تنقید کرتے ہوئے کہاکہ ’کسی کو پرواہ نہیں کہ آپ کے بچے کو کیا لقب مل رہا ہے، کسی کو پرواہ نہیں ہے، فکر کرنے کے لیے ان کے اپنے مسائل بہت ہیں‘۔
اُنہوں نے وِل اسمتھ کے لیےکہا کہ’ لوگ اس طرح کی معنی خیز باتیں ہی کرتے ہیں یہ کوئی اتنا سخت ردِ عمل دینے والی بات نہیں‘۔
میزبان کا یہ بیان سنتے ہی شاہی خاندان کے مداح ان پر برس پڑے اور ان کا یہ انٹریو سوشل میڈیا پر آگ کی طرح پھیل گیا۔
شاہی خاندان کے ایک مداح نے سوشل میڈیا پر اپنا ردِعمل دیتے ہوئے لکھا کہ آپ نے میگھن مارکل کو اس معاملے میں کیسے دھکیل دیا؟
ایک اور مداح نے لکھا کہ ’یہاں تک کہ جو لوگ میگھن مارکل کو ناپسند کرتے ہیں وہ بھی اس موازنہ سے شرمندہ ہیں‘۔
یاد رہے کہ آسکرز ایوارڈ 2022 میں کامیڈین و اداکار ول اسمتھ نے ساتھی کامیڈین کرس کو براہِ راست اسٹیج پر ان کی بیوی سے متعلق مزاق کرنے پر غصے میں آکر تھپڑ مار دیا تھا جس کے بعد سے یہ معاملہ سوشل میڈیا پر وائرل ہو رہا ہے اور دنیا بھر کی شوبز انڈسٹری سے وابستہ افراد اس معاملے پر اپنا ردِعمل پیش کر رہے ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News