سابق وفاقی وزیرعمرایوب خان نے بھی استعفی دے دیا۔

عمرایوب خان ضلع ہری پور منتخب ہوئے جبکہ عمرایوب حکومت کے وزیرخزانہ اور وزیراقتصادی امور بھی رہے۔

 عمرایوب مسلم لیگ ق اور مسلم لیگ ن میں بھی رہے۔

واضح رہے کہ تحریک انصاف کی پارلیمانی پارٹی کے فیصلے کے مطابق تحریک انصاف کے تمام ارکان قومی اسمبلی نے استعفے دے دیے۔

شیخ رشید

سابق وزیر داخلہ شیخ رشید نے کہا کہ استعفے بہت پہلے دے دینے چاہیے تھے، ایمرجنسی اورگورنرراج بھی لگا دینا چاہیے تھا۔

انہوں نے کہا کہ اتوارکودوبارہ باہرنکلیں گے، پاپڑ والے کو وزیراعظم نہیں دیکھ سکتے، گلی کوچوں میں جنگ ہوگی۔

شفقت محمود
سابق وزیر تعلیم شفقت محمود نے استعفے کی کاپی ٹوئٹر پر شئیر کرتے ہوئے کہا کہ آج قومی اسمبلی کی رکنیت سے استعفیٰ دے دیا ہے۔

انہوں نے کہا کہ اسمبلی میں بیٹھ کر ان لٹیروں کی سازشوں کو جائز قرار نہیں دے سکتا۔

علی زیدی

پی ٹی آئی رہنما علی حیدر زیدی نے کہا کہ میں نے اپنا استعفیٰ چیئرمین پی ٹی آئی کوبھیج دیا ہے۔

انہوں نے کہا کہ کسی بھی طرح غیر ملکی فنڈڈ حکومت کی تبدیلی کو قبول نہیں کرتے، پاکستان کی خودمختاری کی جنگ کا فیصلہ لٹیرے نہیں عوام سڑکوں پر کریں گے۔

مراد سعید
پی ٹی آئی رہنما مراد سعید نے استعفیٰ اسپیکرقومی اسمبلی کوبھجوا دیا ہے۔

مراد سعید نے کہا کہ جن کی حرصِ زر، ہوس اقتدار نے میری قوم کو بھکاری بنایا، جن کی غلامانہ ذہنیت نے میرے گھروں کو مقتل گاہ بنایا، میرے لوگوں کو پناہ گزین، میری ماں کوزندہ درگورکردیا، میں ان کو اس ملک کا سربراہ مانوں؟ ابسولوٹلی ناٹ۔

انہوں نے کہا کہ یہ فیصلہ فقط میرانہیں میرے ملک کے 22 کروڑعوام کا بھی ہے۔

فرخ حبیب
پی ٹی آئی کے رہنما فرخ حبیب نے ٹوئٹر پر جاری ایک پیغام میں کہا ہے کہ شہباز شریف اور حمزہ شہباز کی عبوری ضمانت میں27 اپریل تک کی توسیع کر دی گئی ہے۔

انہوں نے کہا کہ ملک کا جو وزیراعظم بن رہا ہے وہ کئی سالوں سے نہیں بتا رہا مقصود چپڑاسی کے بینک اکاؤنٹ میں 4 ارب کیسے آیا؟ اس پر بھی سو موٹو لیا جائے گا یا پھرجیلوں میں بند سب چوروں کو باہر نکال دیں۔

فرخ حبیب نے کہا ہے کہ پارلیمانی پارٹی نے امپورٹڈ حکومت نامنظور کیخلاف اسمبلیوں سے استعفے دینے کا فیصلہ کیا ہے، ہم اس امپورٹد حکومت کو نہیں مانتے۔