وفاقی وزیر اطلاعات مریم اورنگزیب نے کہا ہے کہ کچھ مخصوص لوگوں نے مسجد نبویؐ کا تقدس پامال کیا ہے۔

وزیر اطلاعات نشریات مریم اورنگزیب نے مسجد نبوی میں وزیراعظم شہباز شریف اور ان کے وفد کے خلاف نعرے بازی کے واقعے کی مذمت کی ہے۔

ویڈیو پیغام میں وفاقی وزیر مریم اورنگزیب نے کہا کہ مدینہ منورہ کی مقدس سرزمین کو سیاست کے لیے استعمال نہ کیا جائے۔

Advertisement

“حکومت کی نیت پاکستان کی عوام کو ریلیف پہنچانا ہے۔”

وفاقی وزیر اطلاعات مریم اورنگزیب کی خصوصی گفتگو@Marriyum_A @MoIB_Official #PMShehbazInKSA #PakKSAVisit pic.twitter.com/EMYDoek101

— Government of Pakistan (@GovtofPakistan) April 28, 2022

انہوں نے ایسے واقعات کو معاشرے کے لیے تباہی قرار دیتے ہوئے کہا کہ ہمارے کارکن بھی وہاں موجود تھے لیکن انہیں ہدایت کی گئی تھی کہ وہ ایسا رویہ نہ اپنائیں۔

انہوں نے افسوس کا اظہار کیا کہ سماج کا ایک طبقہ ہے، جو ان روایات کو برقرار رکھے ہوئے ہے۔ اسے بدلنے میں وقت لگے گا لیکن ہمارے مثبت رویوں سے یہ رویے بدلیں گے۔

وزیر اعظم شہباز شریف کے دورہ سعودی عرب کے بارے میں انہوں نے کہا کہ اس سے دونوں ممالک کے درمیان دوطرفہ تعلقات کو مضبوط بنانے میں مدد ملے گی۔

خیال رہے کہ سوشل میڈیا پر ایک ویڈیو وائرل ہورہی ہے جس میں لوگوں کو مسجدِ نبوی میں حکومتی وفد کے خلاف  چور چور کے نعرے لگاتے دیکھا جاسکتا ہے۔

ویڈیو میں وفاقی وزیر اطلاعات مریم اورنگزیب اور شاہ زین بگٹی کو لوگوں کو نظر انداز کرتے ہوئے جاتے دیکھا جاسکتا ہے، جبکہ ان کے اردگرد سیکیورٹی عملہ موجود ہے۔