چیئرمین پاکستان تحریک انصاف (پی ٹی آئی) اور سابق وزیراعظم عمران خان نے کراچی جلسے میں شرکت کے لیے خصوصی طیارے کا استعمال کیا، جس پر انہیں کافی تنقید کا نشانہ بنایا گیا۔

کہا گیا کہ ایک طرف عمران خان جلسے کے لیے چندے جمع کرنے کی اپیلیں کر رہے ہیں تو دوسری جانب نجی طیاروں میں سفر کر رہے ہیں۔

اس حوالے سے سوشل میڈیا پر چہ میگوئیاں شروع ہوئیں کہ یہ طیارہ نجی کمپنی کا ہے اور اس کے اخراجات بھی اسی کمپنی نے برداشت کئے ہیں۔

عمران خان کو کراچی لانے والے جہاز کی دم پر ‘ایپل’ لفظ نمایاں تھا جس کی وجہ سے کہا گیا کہ عمران خان کے جہاز کے اخراجات اینگرو نے ہی ادا کئے ہیں۔

پھر مسلم لیگ (ن) کے رہنما احسن اقبال نے ٹوئٹ کیا کہ اینگرو کارپوریشن کی جانب سے انتہائی غیر پیشہ ورانہ رویہ اختیار کیا گیا، اس کا نجی جیٹ ایک سیاسی رہنما حکومت مخالف ریلی کے لیے استعمال کر رہا ہے، قطع نظر اس کے کہ یہ چارٹرڈ تھا یا سپانسر۔

انہوں نے لکھا کہ ایک پبلک لسٹڈ کمپنی ہونے کی وجہ سے اپنی حدود کو جانیں۔ یہ ذاتی جاگیر نہیں ہے۔

I find this highly unprofessional on part of EngroCorp that its private jet is being used by a political leader for anti government rally regardless of fact whether it was chartered or sponsored. Please know your limits being a public listed company; its not personal fiefdom. pic.twitter.com/EyZHz5T2qJ

— Ahsan Iqbal (@betterpakistan) April 17, 2022

الزامات سامنے آنے کے بعد اینگرو کارپوریشن نے نے وضاحت جاری کرنے کا فیصلہ کیا۔

کمپنی نے ان تمام الزامات کو بے بنیاد قرار دیتے ہوئے اپنے بیان میں کہا کہ عمران خان جس طیارے میں کراچی پہنچے وہ جہاز اینگرو کے ذیلی ادارے اینگرو فرٹیلائزر کی ملکیت ہے۔

ٹوئٹر پر جاری وضاحت میں کمپنی نے اینگرو نے چارٹر اور نجی خدمات فراہم کرنے والی ایئرلائن پرنسلی جیٹ کے ذریعے طیارہ استعمال ہونے کی تصدیق کی، لیکن اس بات سے صاف انکار کیا کہ انہوں نے عمران خان کے سفری اخراجات اٹھائے ہیں۔

With regards to media speculation around Engro's ownership of the private jet taken by ex-PM Imran Khan for the political gathering in Karachi, we wish to clarify that although the plane is owned by Engro Fertilizers, it was chartered to Princely Jets as a routine practice.(1/2) https://t.co/FPo1frn9Ki

— Engro Corporation (@EngroCorp) April 16, 2022

واضح رہے کہ پاکستان سمیت دنیا بھر میں نجی جہاز رکھنے والے افراد یا اداروں کے لیے یہ سہولت موجود ہے کہ جب وہ اپنا طیارہ استعمال نہ کر رہے ہوں تو اسے دیگر اداروں کے ذریعے کرائے پر دے سکتے ہیں۔