پاکستان کے سابق ٹیسٹ کرکٹر احتشام الدین، جو معذوری کا شکار ہیں، نے پنشن کی رقم نہ بڑھانے پر پی سی بی اور چیئرمین رمیز راجہ کو قصوروار ٹھہرایا ہے۔

احتشام الدین 1979 سے 1982 تک پاکستان کے لیے پانچ ٹیسٹ کھیل چکے ہیں۔احتشام الدین نے کہا کہ مہنگائی اور معیشت کی حالت کو دیکھتے ہوئے پنشن میں 20 فیصد اضافہ کیا جانا چاہیے۔

انہوں نے مقامی میڈیا سے بات کرتے ہوئے کہا کہ ‘یہ کافی عرصہ ہو چکا ہے لیکن آخری بار پی سی بی نے میری پنشن میں 20 فیصد اضافہ کیا تھا لیکن یہ مہنگائی میں اضافے سے نمٹنے کے لیے کافی نہیں ہے جو روز بروز بڑھ رہی ہے’۔

انہوں نے مزید کہا کہ ہم نے رمیز راجہ سے بہت رابطہ کرنے کی کوشش کی لیکن اس محاذ پر کوئی پیش رفت نہیں ہوئی۔

مقامی میڈیا کے مطابق احتشام الدین اپنی اہلیہ کے انتقال کے بعد ایک کیئر ٹیکر کے ساتھ رہتے ہیں اور ان کی اکلوتی بیٹی، جو قومی تیراک ہے، انگلینڈ میں رہتی ہے۔

غمزدہ کرکٹر نے طبی امداد فراہم کرنے پر پی سی بی کا شکریہ ادا کیا۔

انہوں نے کہا کہ اگرچہ میں اپنے میڈیکل بلز کی ادائیگی پر پی سی بی کا شکر گزار ہوں لیکن اگر پنشن بڑھ جائے گی تو ہمارے لیے حالات بہت بہتر ہوں گے۔

واضح رہے کہ مرگی کے دورے میں مبتلا ہونے کے بعد سابق کھلاڑی زیادہ تر وقت بستر پر ہی گزارتے ہیں۔ احتشام الدین اپنے عروج کے دور میں عمران خان جیسے لوگوں کے ساتھ کھیل چکے ہیں۔