پاکستان کی مشہور ماڈل ایان علی نے سابق وزیرِاعظم عمران خان کو نہ گھبرانے کا مشورہ دے دیا۔

رپورٹ کے مطابق پاکستان شوبز انڈسٹری کی معروف ماڈل اور منی لانڈرنگ کیس کے الزامات کا سامنا کرنے والی ایان علی نے خود سے متعلق عمران خان کے بیان کا حوالہ دیتے ہوئے عمران خان کو تنقید کا نشانہ بنا ڈالا ہے۔

ایان علی کا کہنا تھا کہ میں نے 20 سال کی عمر میں جھوٹے مقدمات لڑے اور جیت چکی، امید ہے آپ بھی گھبرائیں گے نہیں، دیکھتے ہیں آپ کتنے دن برداشت کرتے ہیں۔

آپ کی جانب سے ایک پولیس آفیسر پر حملہ Live TV پر کیا گیا

Advertisement

دوسرے آفیسرز کو دھمکیاں بھی Live TV پر دی گئیں
وقت آ گیا ہے کہ آپ ان اور دوسرے مقدمات بشمول آٹا چوری، رنگ روڈ، مالم جبہ، بی آر ٹی، ادویات، پٹرولیم، مہمند ڈیم، بلاسفیمی، فارن فنڈنگ کا جواب دیں /10 pic.twitter.com/kzxhxEujVW

— Ayyan (@AYYANWORLD) May 12, 2022

ایان علی نے کہا کہ دو عادات شاید آپ مرتے دم تک نہیں چھوڑ سکتے، پہلی عادت میرے نام پرٹی آر پی کمانا اور دوسری جھوٹ بولنا کیونکہ سچ بولنا آپ نے سیکھا ہی نہیں، آپ 4 سال وزیراعظم رہے لیکن پھر بھی مجھ پر جھوٹا الزام لگائے بغیر آپ کی تقریر اور خبر نہیں بنتی۔

خیال رہے کہ ماڈل ایان علی پر منی لانڈرنگ کے الزامات عائد تھے اور عمران خان نے اپنی حالیہ تقریر میں ایان علی کا حوالہ دیا تھا جس کے بعد ماڈل نے عمران خان کی تقریر پر اپنے دفاع میں ردِعمل کا اظہار کیا ہے۔