فاشسٹ حکومت کی کانپیں ٹانگنا شروع ہوگئی ہیں، فرخ حبیب

ویب ڈیسک

14th May, 2022. 12:11 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

فاشسٹ حکومت کی کانپیں ٹانگنا شروع ہوگئی ہیں، فرخ حبیب

پاکستان تحریک انصاف کے رہنما فرخ حبیب نے کہا ہے کہ فاشسٹ حکومت کی کانپیں ٹانگنا شروع ہوگئی ہیں، جتنی مرضی گرفتاریاں کرلیں، عمران خان آج ہرصورت سیالکوٹ پہنچیں گے۔

میڈیا سے بات کرتے ہوئے پی ٹی آئی رہنما فرخ حبیب نے کہا ہے کہ یہ تحریک اب رکنے والی نہیں ہے اور ہمارا مقصد حقیقی آزادی کی پرامن تحریک نے ہرصورت آگےبڑھناہے۔

انہوں نے کہا کہ یہ آگ کے ساتھ کھیل رہے ہیں، ملک میں خانہ جنگی کرانا چاہتے ہیں لیکن عمران خان نے عوام کے جذبات کوپرامن رکھا ہوا ہے اور سیالکوٹ بھی عمران خان کے حق میں فیصلہ دےگا۔

انہوں نے مزید کہا کہ ہمارے دور حکومت میں انہوں نےہرجگہ جلسے کیے لیکن اس طرح کبھی مخالفین کے خلاف کارروائیاں نہیں کی گئی، یہ اس قسم کی کارروائیاں جاری رہیں تونتائج کے ذمےداریہ خودہونگے۔

فرخ حبیب نے کہا کہ ہمیں معلوم ہے اس کے ماسٹر پلانز کون ہیں، اور اس قسم کی کارروائیوں کے بعد لندن پلان سامنے آگیا ہے۔

انہوں نے بتایا کہ عوام امپورٹڈ حکومت کو مسترد کرچکے ہیں اور جس دن عوام نے فیصلہ کرلیا آپ گھروں سے باہر نہیں نکل سکیں گے۔