بھارت  کے اوپننگ بلے باز وریندر سہواگ نے اپنے شاندار کیریئر میں 1999 سے 2014 تک کھیلا اور سچن ٹنڈولکر اور ایم ایس دھونی سمیت عظیم کھلاڑیوں کے ساتھ کھیلا۔

تفصیلات کے مطابق  2008 میں انڈین پریمیئر لیگ (آئی پی ایل) کے آغاز کے بعد، سہواگ کو دنیا کے سرکردہ کرکٹرز کے ساتھ ڈریسنگ روم شیئر کرنے کا موقع ملا اور ان میں سے ایک آسٹریلیا کے شاندار بلے باز ڈیوڈ وارنر تھے۔

سہواگ نے اس وقت کے بارے میں شیئر کیا جب وہ 2009 میں دہلی کیپٹلز کی قیادت کرتے تھے، وارنر کے بارے میں ایک کہانی میں، جو آئی پی ایل کے اپنے پہلے سیزن میں کھیل رہے تھے، سہواگ نے آسٹریلوی بلے باز پر بے ضابطگی کا الزام لگایا جس پر ٹیم انتظامیہ نے انہیں اسکواڈ سے الگ کرنے کا فیصلہ کیا۔

ان کا کہنا تھا کہ میں نے بھی اپنی مایوسی کا اظہار چند کھلاڑیوں پر کیا ہے اور ڈیوڈ وارنر بھی ان میں سے ایک تھے کیونکہ جب وہ نئے شامل ہوئے تھے، تو انہوں نے پریکٹس یا میچ کھیلنے پر یقین کرنے سے زیادہ علیحدگی اختیار کی۔

انہوں نے کہا کہ ڈیوڈ وارنر میچ یا پریکٹس کرنے کے بجائے پارٹی کرتے تھے اور دوسرے کھلاڑیوں سے لڑائی جھگڑا کرتے تھے۔

سہواگ نے کہا کہ اس لیے ہم نے اسے آخری دو میچوں کے لیے واپس بھیج دیا کیونکہ  کبھی کبھی ایسا ہوتا ہے کہ آپ کسی کو سبق سکھانے کے لیے باہر رکھتے ہیں ۔

سابق بھارتی کھلاڑی نے کہا کہ وہ نیا تھا اس لیے اسے یہ دکھانا ضروری تھا کہ آپ اکیلے ٹیم کے لیے اہم نہیں ہیں، دوسرے بھی ہیں، اور بھی کھلاڑی ہیں جو کھیل کر ٹیم کے لیے میچ جیت سکتے ہیں اور ایسا ہی ہواہم نے اسے باہر رکھا  اور ٹیم جیت بھی گئی ۔

وارنر کو 2016 میں سن رائزرز حیدرآباد کی ٹائٹل جیت میں کلیدی کردار ادا کرنے کے بعد کپتانی سے ہٹا دیا گیا تھا اور وہ فرنچائز کے لیے ایک مضبوط کردار تھے۔

تاہم، وہ ٹیم میں اپنی جگہ کھو بیٹھے اور پھر دہلی نے اسے 6.5 کروڑ میں شامل کیا۔

ڈیوڈ وارنر نے آئی پی ایل کے جاری سیزن میں اب تک آٹھ میچوں میں 356 رنز بنائے ہیں اور اس میں چار نصف سنچریاں بھی شامل ہیں۔

ڈیوڈ وارنر ٹورنامنٹ کے ٹاپ سکوررز کی فہرست میں بھی چوتھے نمبر پر ہیں۔