شنگھائی میں کاروباری سرگرمیاں یکم جون سے بحال ہوں گی

ویب ڈیسک

30th May, 2022. 10:25 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

شنگھائی میں کاروباری سرگرمیاں یکم جون سے بحال ہوں گی

شنگھائی کے حکام کے مطابق، شہر میں کورونا وائرس کی حالیہ وباء پھیلنے کے بعد کمپنیوں پر عائد کردہ پابندیاں پہلی بار یکم جون سے ہٹا لی جائیں گی۔

یہ فیصلہ چین کے اس تجارتی مرکز پر دو ماہ تک لاک ڈاؤن اقدامات عائد کیے جانے کے بعد آیا ہے۔

12 مارچ کے بعد، اتوار کے روز شنگھائی میں نئے متاثرین کی تعداد کم ہو کر پہلی بار 100 سے نیچے آ گئی۔ شہر میں متاثرین کی زیادہ سے زیادہ تعداد 20 ہزار سے زائد رہی ہے۔

اعلیٰ انتظامی نائب ناظم وُو چِنگ نے نامہ نگاروں کو اتوار کے روز بتایا کہ عالمی وباء سے معیشت پر گہرا اثر پڑا ہے اور اس شہر کو پریشان کن صورتحال کا سامنا ہے، جس کی ماضی میں کوئی نظیر نہیں ملتی۔

انہوں نے وائرس کے خلاف تفصیلی احتیاطی تدابیر اختیار کرنے کی شرط پر کمپنیوں کو پہلی جون سے کاروبار دوبارہ کھولنے کی ا جازت دینے کا اعلان کیا۔

لیکن شنگھائی کے کئی حصوں میں ر ہائشوں کو آزادی سے باہر گھومنے پھرنے کی ابھی تک آزادی نہیں ہے۔

اب توجہ اس بات پر مرکوز ہے کہ آیا کمپنیاں معمول کی سرگرمیاں دوبارہ شروع کرنے کے لیے درکار افرادی قوت کا حصول یقینی بنا سکیں گی یا نہیں۔