حکومت کا تحریک انصاف کے بغیر ہی پارلیمانی کمیٹی تشکیل دینے کا فیصلہ

ویب ڈیسک

21st May, 2022. 03:27 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

حکومت کا تحریک انصاف کے بغیر ہی پارلیمانی کمیٹی تشکیل دینے کا فیصلہ
بڑی سیاسی ہلچل، ن لیگ اور پیپلز پارٹی کا آزاد کشمیر حکومت کے خلاف عدم اعتماد لانے کا فیصلہ
جنرل ساحر شمشاد مرزا کا دورہ بنگلادیش، دفاعی و سلامتی تعاون مزید مضبوط بنانے پر اتفاق
اردن، فیلڈ مارشل سید عاصم منیر کی شاہ عبداللہ دوم سے ملاقات، دفاعی و سلامتی تعاون بڑھانے پر اتفاق

Now Reading:

حکومت کا تحریک انصاف کے بغیر ہی پارلیمانی کمیٹی تشکیل دینے کا فیصلہ

حکومت کی جانب سے پاکستان تحریک انصاف کے بغیر ہی پارلیمانی کمیٹی تشکیل دینے کا فیصلہ کیا گیا ہے۔

تفصیلات کے مطابق پاکستان تحریک انصاف کی جانب سے پارلیمانی کمیٹی کا بائیکاٹ کردیا گیا ہے جس کے بعد حکومت نے پی ٹی آئی کے بغیر ہی انتخابی اصلاحات کے لئے پارلیمانی کمیٹی کی تشکیل کا فیصلہ کیا ہے۔

اس حوالے سے ذرائع کا کہنا ہے کہ سینیٹ میں نمائندگی کے باوجود پی ٹی آئی نے کمیٹی کے لیے چیئرمین کو نام دینے سے انکار کردیا ہے۔

خیال رہے کہ انتخابی اصلاحات کے لئے پارلیمانی کمیٹی کی تشکیل کے لئے چیئرمین صادق سنجرانی نے نام اسپیکر قومی اسمبلی راجہ پرویز اشرف کو بھجوانے تھے۔

اسپیکر کی طرف سے آئندہ ہفتے پارلیمانی کمیٹی تشکیل دیئے جانے کا امکان ہے جس کے لئے تاحال شاہ زین بگٹی،غوث بخش مہر اور کشور زہراء کے نام موصول ہوئے ہیں تاہم حکمران جماعت اور پیپلز پارٹی نے بھی ابھی تک نام نہیں دیئے ہیں۔

واضح رہے کہ قومی اسمبلی سے تحریک انصاف استعفے دے چکی ہے اور اب سینٹ سے بھی کوئی نام نہیں دیا گیا ہے جبکہ اسپیکر کی طرف سے پارلیمانی لیڈرز کو جلد نام بھجوانے کی ہدایت کی گئی تھی۔