گورنر پنجاب عمرسرفرازچیمہ نے وزیراعظم شہباز شریف کو لکھے گئے خط میں پنجاب کے آئینی تعطل اورسیاسی بحران کے بارے میں آگاہ کرتے ہوئے کہا ہے کہ غیرآئینی، غیرقانونی، جعل ساز وزیراعلیٰ حمزہ شہبازشریف نے صوبے کویرغمال بنایا ہوا ہے۔
خط میں گورنر پنجاب کا کہنا ہے کہ وزیر اعظم صاحب آپ صوبے میں سیاسی اور قانونی تعطل سے واقف ہیں اور اس تمام تر صورت حال سے سرکاری طورپرآپ کو اوردیگراداروں کے سربراہان کو آگاہ کردیا ہے۔
گورنر پنجاب عمرسرفراز چیمہ نے مزید کہا ہے کہ عثمان بزدار کا بطوروزیراعلی استعفیٰ متنازع ہے، پنجاب اسمبلی میں اکثریت کے لیے مسلم لیگ (ن) نے ڈی فیکٹو ممبران کی مکروہ حمایت حاصل کی۔
غیر آئینی اور غیر قانونی جعلساز وزیر اعلی نے ۱۶اپریل سے پنجاب کے صوبے کو یرغمال بنایا ہوا ہے
Advertisementصورتحال سے میں نے سرکاری طور پر جناب وزیراعظم پاکستان اور دیگر آئینی اداروں کے سربراہان کو مطلع کردیا ہے
لکھ دیا ہے تاکہ سند رہے آئینی و قانونی طور پر جو میرے اختیار میں تھا وہ کیا
— Omar Sarfraz Cheema (@OmarCheemaPTI) May 4, 2022
جب کہ غیرقانونی اورجعل سازی سے آنے والے وزیر اعلیٰ حمزہ شہباز نے 16 اپریل سے صوبے کویرغمال بنا رکھا ہے۔
وزیر اعظم شہباز شریف کو لکھے گئے خط میں گورنر پنجاب کا کہنا ہے کہ آئینی و قانونی طورپرجومیرے اختیارمیں تھا وہ میں نے خط میں بطور سند لکھ دیا ہے ’میرا قوم سے وعدہ ہے کہ آخری دم تک عوام کی طاقت سے اس ’سیسیلین مافیا‘ کا مقابلہ کروں گا۔‘
گورنرپنجاب نےخط میں یہ بھی لکھا ہے کہ جلد ہی غیر قانونی اور غیر آئینی وزیر اعلیٰ کے قبضے میں موجود دفاتر اور سرکاری وسائل چھڑوالیے جائیں گے۔
گورنرعمرسرفرازچیمہ نے لکھا ہے کہ بڑے سے بڑا عہدہ یا کُرسی نہ ہی انسان کو بڑا بناتی ہے اور نہ ہی ہمیشہ قائم رہتی ہے، اس کے لیے اپنی ذمے داری اور فرائض کو ایمان داری سے نبھانا پڑتا ہے کیوں کہ آپ کے جانے کے بعد یہی کردار تاعمر آپ کی شناخت بنتا ہے۔
خط کے آخر میں گورنرپنجاب عمرسرفرازچیمہ نے لکھا ہے کہ اللہ تعالی ہم سب کوبہتر ہدایت اور حالتِ ایمان میں موت دے، آمین
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News