انڈین پریمئیر لیگ کے 2023 تا 2027 کے میڈیا اور ڈیجیٹل رائٹس کی مشترکہ بولی ذرائع کے مطابق 42 ہزار کروڑ بھارتی روپیہ سے تجاوز کر گئی ہے۔

 بھارتی میڈیا کی رپورٹس کے مطابق 2023 سے 2027 سائیکل کے لیے انڈین پریمیئر لیگ کے رائٹس کی فروخت کا حتمی فیصلہ ابھی نہیں ہوا۔

بھارتی میڈیا نے ذرائع سے خبر دی ہے کہ آئی پی ایل کے لیے میڈیا رائٹس ای نیلامی اتوار کو ذرائع کے ساتھ شروع ہوئی کہ ٹی وی اور ڈیجیٹل رائٹ کے لیے مشترکہ بولی 42,000 کروڑ روپے سے تجاوز کر گئی ہے۔

چار مخصوص پیکجز ہیں جن میں 2023-2027 تک پانچ سال کی مدت کے لیے فی سیزن 74 گیمز کے لیے ای نیلامی کی جا رہی ہے جس میں آخری دو سالوں میں میچوں کی تعداد کو 94 تک بڑھایا جائے گا۔

رائٹس کے اس عمل کو چار پیکجز اے ، بی ، سی اور ڈی میں تقسیم کیا گیا ہے، پیکج اے برصغیر پاک و ہند کے ٹی وی رائٹس کے لئے مخصوص ہے۔

جبکہ پیکج بی اسی خطے کے ڈیجیٹل رائٹس کے لئے مختص کیا گیا ہے۔

ذرائع نے یہ بھی کہا کہ ٹی وی اور ڈیجیٹل کی فی میچ قیمت 100 کروڑ روپے سے زیادہ ہو گئی ہے۔

پیکیج سی ہر سیزن میں منتخب گیمز کے لیے ہے جبکہ پیکج ڈی تمام گیمز کے لیے ہے اور ٹی وی اور ڈیجیٹل حقوق کے علاوہ بیرون ملک مارکیٹوں کے لیے ہے۔

بھارتی ٹی وی کے ذرائع نے جمعہ کو بتایا کہ ایمیزون نے انڈین پریمیئر لیگ کے میڈیا رائٹس کی نیلامی کی دوڑ سے دستبرداری اختیار کر لی ہے۔

واضح رہے کہ ایک بھارتی اسپورٹس چینل نے ستمبر 2017 میں 16,347.50 کروڑ روپے کی بولی کے ساتھ 2017-2022 سائیکل کے لیے انڈین پریمیئر لیگ کے میڈیا حقوق کو حاصل کرنے کے لیے حریف چینل کو باہر کر دیا تھا۔

اس معاہدے کے ساتھ، ایک آئی پی ایل میچ کی قیمت تقریباً 55 کروڑ روپے ہو گئی تھی۔

ماضی میں ایک اسپورٹس چینل نے 2008 میں 8200 کروڑ روپے کی بولی کے ساتھ 10 سال کی مدت کے لیے آئی پی ایل کے میڈیا حقوق جیتے۔

تین سال کی مدت کے لیے آئی پی ایل کے عالمی ڈیجیٹل حقوق کو 2015 میں 302.2 کروڑ میں دیئے گئے تھے۔

اس سال ٹورنامنٹ کو آٹھ ٹیموں سے بڑھا کر دس ٹیموں تک کر دیا گیا تھا جس میں گجرات ٹائٹنز اور لکھنؤ سپر جائنٹس کو 2022 کے سیزن سے شامل کیا گیا تھا۔

گجرات ٹائٹنز نے گزشتہ ماہ اپنے پہلے سیزن میں ٹورنامنٹ جیتا۔