محمد حسنین کا بولنگ ایکشن کلیئر قرار دیے جانے کا قوی امکان

ویب ڈیسک

03rd Jun, 2022. 11:39 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

محمد حسنین کا بولنگ ایکشن کلیئر قرار دیے جانے کا قوی امکان

پاکستان کرکٹ بورڈ (پی سی بی) نے فاسٹ بولر محمد حسنین کے بولنگ ایکشن کی رپورٹ کرکٹ آسٹریلیا کو بھجوادی ہے۔

تفصیلات کے مطابق محمد حسنین کے بولنگ ایکشن کی رپورٹ کا اعلان کرکٹ آسٹریلیا کرے گا اور یہ اعلان آئندہ ہفتے ہونے کا امکان ہے۔

ذرائع کے مطابق محمد حسنین کے بولنگ ایکشن کا ٹیسٹ لاہور میں آئی سی سی کی منظور شدہ لیب میں دو ہفتے قبل ہوا تھا۔

محمد حسنین کا بولنگ ایکشن رواں برس کے آغاز میں بگ بیش لیگ میں رپورٹ ہوا تھا، جس کے بعد ٹیسٹ لاہور میں آئی سی سی لیب میں ہوا اور اُن کے بولنگ ایکشن کو غیر قانونی قرار پایا گیا۔

محمد حسنین کے بولنگ ایکشن پر نیشنل ہائی پرفارمنس سینٹر میں کام کرکے ری ماڈل کیا گیا،جس کے بعد آئی سی سی لیب میں فاسٹ بولر کا باضابطہ ٹیسٹ ہوا۔

ذرائع کے مطابق بولنگ ایکشن کے ٹیسٹ کی رپورٹ کو بڑی راز داری میں کرکٹ آسٹریلیا کو بھجوایا گیا ہے، پاکستانی کوچز پرامید ہیں کہ محمد حسنین کا بولنگ ایکشن کلیئر قرار پائے گا۔

باضابطہ ٹیسٹ سے پہلے کرائے جانے والے 2 ٹیسٹوں میں محمد حسنین کا ایکشن 15 ڈگری کے اندر پایا گیا، جس کے باعث بولنگ ایکشن کلیئر قرار دیے جانے کا قوی امکان ہے۔