پاکستان تحریک انصاف کے آزادی مارچ میں حکومتی تشدد کا شکار بننے والے ارکان کے متعلق اقوام متحدہ کے متعلقہ ذمہ داران کو خصوصی مراسلے ارسال کردیا گئے ہیں۔

اس حوالے سے ترجمان پی ٹی آئی نے مراسلے کے ہمراہ حقیقی آزادی مارچ کے دوران سیاسی سرگرمی، پرامن اجتماع، آزادی اظہار، نقل و حمل کی آزادی، چادر اور چار دیواری کی پامالی اور بدترین جسمانی تشدد کے شواہد بھی بجھوا دیئے۔

اسکے علاوہ زائد المعیاد زہریلی آنسو گیس کے پرامن شہریوں پر استعمال کی تفصیلات بھی انسانی حقوق کے ذمہ داران کو بجھوا دی گئی۔

خطوط انسانی حققوق کی سابق وفاقی وزیر اور کور کمیٹی کی رکن ڈاکٹر شیریں مزاریں کی جانب سے بجھوائے گئے ہیں۔

اس حوالے سے شیریں مزاری کا کہنا ہے کہ مران خان کی حکومت کو ہٹانے کی سازش کے بعد پاکستان ایک سیاسی بحران کا شکار ہوا، اس سازش پر عوام نے شدید رد عمل کا اظہار کیا۔

شیریں مزاری نے بتایا کہ جمہوریت کی بحالی اور پاکستان کی خودمختاری کے تحفظ کی تحریک کے تحت عمران خان کی جماعت نے ملک بھر میں بڑے جلسے منعقد کئے، جلسوں کی ملک گیر لہر میں عمران خان نے حقیقی آزادی کیلئے پاکستان کے عوام کو وفاقی دارالحکومت کی جانب آذادی مارچ کی دعوت دی۔

انہوں نے بتایا کہ ملک بھرمیں تحریک انصاف کے کارکنان اور قائدین کے گھروں میں رات گئے چھاپے مار کر چادر چار دیواری کا تقدس پامال کیا گیا، کارکنان اور قائدین کی عدم گرفتاری کی صورت میں اہلخانہ خصوصاً خواتین کو دھمکایا گیا اور ہراساں کیا گیا۔

انہوں نے درخواست کی ہے کہ تحریک انصاف کے کارکنان و قائدین کو ہراساں کرنے کا سلسلہ فوراً بند کرنے سمیت کارکنان و قائدین کی فوری رہائی کا مطالبہ کیا جائے۔

انہوں نے اپنی درخواست میں مزید کہا کہ  میڈیا پر قدغنوں کا سلسلہ روکا جائے اور راستوں کی بندش اور بزورِ جبر پرامن احتجاج کے حق سے محرومی کا سلسلہ بند کروایا جائے۔