پی ٹی آئی مارچ کے شرکاء پر تشدد کے خلاف آئینی درخواست دائر

ویب ڈیسک

01st Jun, 2022. 02:46 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پی ٹی آئی مارچ کے شرکاء پر تشدد کے خلاف آئینی درخواست دائر

پی ٹی آئی مارچ کے شرکاء پر تشدد کے خلاف پاکستان تحریک انصاف کی جانب سے آئینی درخواست دائر کردی گئی ہے۔

تفصیلات کے مطابق پاکستان تحریک انصاف کے مرکزی سیکرٹری جنرل اسد عمر نے پارٹی کی جانب سے لانگ میں شرکاء پر ہونے والے تشدد کے خلاف درخواست سپریم کورٹ میں دائر کی گئی ہے۔

پی ٹی آئی کی جانب سے آئینی درخواست کے ذریعے پرامن احتجاج کے آئینی حق پر سپریم کورٹ سے رولنگ کی استدعا کی گئی ہے۔

آئینی درخواست دائر کرنے کے بعد مرکزی سیکرٹری جنرل اسدعمر نے میڈیا سے گفتگو کرتے ہوئے کہا کہ چئیرمین تحریک انصاف عمران خان کی ہدایت پر سپریم کورٹ سے رجوع کیا ہے۔

انہوں نے بتایا کہ سپریم کورٹ میں احتجاج کی پیشگی اجازت کیلئے درخواست دائر کی ہے جس میں بنیادی حقوق کے سوالات اٹھائے ہیں۔

انہوں نے کہا کہ لانگ مارچ سے قبل ہمارے ہزاروں کارکنان کو گرفتار کیا گیا، علامہ اقبال کی بہو کے گھر بھی چھاپہ مارا گیا۔

ان کا کہنا تھا کہ حکومت کی جانب سے پورے ملک سے آنے والے کارکنوں کو اسلام آباد آنے سے روکا گیا اور بدترین حکومتی تشدد کے باوجود لاکھوں لوگ باہر نکلے۔

اسد عمر نے کہا کہ حکومتی اقدامات کے باوجود عوام کا گھروں سے نکلنا اس بات کا ثبوت ہے کہ عوام اپنی حقیقی آزادی کیلئے کھڑی ہوچکی ہے۔