کراچی، این اے 240 میں ضمنی انتخابات میں مختلف سیاسی جماعتوں سمیت آزاد امیدوار کی تعداد 25 ہے جس میں پی ٹی آئی کا کوئی امیدوار شامل نہیں۔
تفصیلات کے مطابق این اے 240 میں ضمنی انتخابات کے لئے پاکستان تحریک انصاف کی جانب سے کسی امیدوار کو ٹکٹ نہیں دیا گیا ہے تاہم الیکشن کے لئے ایم کیو ایم، ٹی ایل پی، پی ایس پی، پیپلز پارٹی، مہاجر قومی موومنٹ، مسلم لیگ، جی ڈی اے کے امیدوار میدان میں ہیں جبکہ 18 آزاد امیدوار بھی اس فہرست میں شامل ہیں۔
این اے 240 میں 16 جون کو پولنگ ہوگی جس کے لئے 203 پولنگ اسٹیشن انتہائی حساس قرار دے دئیے گئے ہیں جبکہ مجموعی طور پر 309 پولنگ اسٹیشن ہیں۔
ضمنی انتخابات کے دوران 5 لاکھ 29 ہزار 855 ووٹرز اپنا حق رائے دہی استعمال کریں گے جس میں پولنگ کے لیے 100 مرد، 99 خواتین اور 110 مشترکہ پولنگ اسٹیشنز ہوں گے۔
ایم کیو ایم کے امیدوار محمد ابوبکر، پیپلز پارٹی کے ناصر رحیم، مہاجر قومی موومنٹ کے سید رفیع الدین امیدوار ہیں جبکہ جی ڈی اے کے تنویر احمد، پی ایس پی کے شبیر قائم خانی، مسلم لیگ ق کے سید فیضان انیس، ٹی ایل پی کے شہزادہ شہباز امیدوار ہیں۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
