سری لنکا کے خلاف تیسرے اور آخری آئی سی سی ویمنز چیمپیئن شپ ون ڈے میں 93 رنز کی شکست پر مایوسی کے ساتھ، پاکستان کے ہیڈ کوچ ڈیوڈ ہیمپ مجموعی طور پر اپنی ٹیم کی کارکردگی سے خوش ہیں۔

تفصیلات کے مطابق یہ دورہ اتوار کو سری لنکا کی ٹور کی واحد جیت کے ساتھ اختتام پذیر ہوا جب بسمہ معروف کی زیرقیادت پاکستان نے  ٹی ٹوئنٹی میں کلین سویپ کیا اور ون ڈے سیریز 1-2 سے جیتی۔

ڈیوڈ ہیمپ کا خیال ہے کہ پاکستان کو 50 اوورز کے فارمیٹ میں رفتار کو برقرار رکھنا ہوگا کیونکہ تین سال کے عرصے میں میگا ایونٹ میں براہ راست جگہ کے لیے سری لنکا اور جنوبی افریقہ جیسی ٹیموں سے سخت مقابلہ ہونے کا امکان ہے۔

انہوں نے کہا کہ ٹی ٹوئنٹی اور ون ڈے میں پاکستان کی کارکردگی سے خوش ہوں۔

ان کا کہنا تھا کہ یہ ہمارے لیے ایک بڑی مثبت بات ہے کہ ہم نے جو گیمز جیتے ہیں ہم نے ہر گیم میں ایک مختلف پلیئر آف دی میچ تھا جس کا مطلب ہے کہ ہم ایک یا دو اہم کھلاڑیوں پر بھروسہ نہیں کر رہے ہیں۔

ڈیوڈ ہیمپ نے کہا کہ  طوبیٰ حسن اور غلام فاطمہ نے سیریز میں قدم رکھا اور انجری کی وجہ سے ہمارے یہاں نشرا سندھو نہیں ہیں۔

انہوں نے کہا کہ بلے بازوں میں سدرہ امین کو ایک اور سنچری اسکور کرنا بہت اچھا لگا، مجھے اب بھی یقین ہے کہ ایک بیٹنگ گروپ کے طور پر ہم باقاعدگی سے 230-240 اسکور کر سکتے ہیں اور میں چاہتا ہوں کہ کھلاڑی زیادہ مستقل مزاج ہوں۔