کراچی سے لاہور آ کر پسند کی شادی کرنے والی دعا زہرہ اور ظہیر احمد کا حالیہ انٹرویو سوشل میڈیا پر کافی وائرل ہوا۔

اس انٹرویو کے سوشل میڈیا پر آتے ہی نا صرف دعا زہرہ کے والدین بلکہ عوام کی اکثریت نے بھی شدید ردعمل کا اظہار کیا اور کئی مختلف سوالات نے بھی جنم لے لیا۔

ایک نجی ویب سائٹ کے نامور میزبان نے دعا زہرہ اور ظہیر احمد کا انٹریو لینے والی یوٹیوبر زنیرہ ماہم کو آڑھے ہاتھوں لیتے ہوئے مختلف سوالات کی بوچھاڑ کردی۔

نجی ویب سائٹ کے میزبان نے زنیرہ ماہم کو اس کیس سے منسلک مختلف پہلوؤں کے بارے میں سوال کیا تو یہ خاتون یوٹیوبراپنے جوابات سے انہیں مطمئن نہ کر سکیں۔

 انٹرویو کے دوران شربت کی بوتل میز پر کیوں تھی؟

میزبان نے دعا زہرہ کے  انٹرویو کے دوران میز پر جام شیریں کی بوتل رکھنے کے حوالے سے پو چھا تو یوٹیوبر نے کہاکہ میرے فالوورز کو یہ بات معلوم ہے کہ جام شیریں ایک شخص کی چھیڑ ہے، ہم نے ایک شخص کا نام جام شیریں رکھا ہوا ہے ، جس کا نا م بھی میں اپنے لائیو سیشن میں لیتی ہوں۔

میزبان نے کہاکہ کہ آپ اس طرح سے کسی کو چھیڑ رہی ہیں ، دوسری جانب دعا کے والد ین پر کیا بیت رہی ہو گی جن کی بیٹی گھر سے بھاگی ہو ئی ہے۔

یو ٹیوبر زنیرہ دوران انٹرویو اپنے کسی بھی جواب سے مطمئن نہ کر سکی اور ساتھ یہ دعویٰ بھی کیا کہ انہوں نے خود اس کیس کے حوالے سے مکمل تفتیش کی ہے اور ان کے پاس ثبوت بھی ہیں۔

واضح رہےکہ سندھ ہائیکورٹ اورلاہور ہائیکورٹ کی جانب سے دعا زہرا کو اپنی مرضی کی زندگی گزارنے کی اجازت دینے کے بعد یوٹیوبر زنیرہ ماہم نے نوبیاہتا جوڑے کا پہلاانٹرویو کیا تھا جس کے مختلف کلپس سوشل میڈیا پر وائرل ہوچکے ہیں۔

دعا زہرا کے والدین کا اصرار ہے کہ ان کی بیٹی انسانی اسمگلروں کے ہاتھوں خوفناک ماحول میں زندگی بسر کر رہی ہے۔

اس انٹرویو میں بھی دعا زہرا نے دعویٰ کیا کہ وہ اپنی مرضی سے شادی کر کے خوشگوار زندگی گزار رہی ہے۔

دعا زہرہ کے والد مہدی علی کاظمی نے اپنی بیٹی کی بازیابی کے لیے سپریم کورٹ سے رجوع کرنے کا اعلان بھی کررکھا ہے۔

یہ بھی پڑھیں: پیٹرول مہنگا نہیں ہوا لوگ سستے ہوگئے