من موہنی شکل وصورت کی مالک سجل علی کی احدرضا میر سے طلاق کوتین ماہ سے زائد کا عرصہ گزر چکا ہے لیکن سوشل میڈیا پوسٹ اورانسٹا گرام اسٹوریزسے کہیں بھی اس با ت کا احساس نہیں ہوتا کہ ان دونوں کوعلیحدگی کا کوئی دکھ ہے۔
احد رضا میرساتھی اداکاراؤں کے ساتھ دل نشین تصویریں شیئرکر رہے ہیں تو پھرسجل اس معاملے میں کیوں پیچھے رہیں؟
سجل علی نے حال ہی میں ساڑھی میں ایک بولڈ فوٹو شوٹ کروایا ، جسے دیکھ کر کہیں سے یہ محسوس نہیں ہوتا کہ تصویرمیں نظر آنے والی نوخیز حسینہ ایک طلاق یافتہ خاتون ہیں۔
سوشل میڈیا پروائرل ہونے والی ان تصاویرمیں سجل نے کھلے گلے والی ساڑھی کے ساتھ اپنی خوبصورتی کو مشرق لکس کے ساتھ کافی حد تک اجاگر کرنے کی کوشش کی ہے جسے ان کے مداحوں کی جانب سے سراہا بھی گیا ہے۔
ان تصاویر کو دیکھ کرسوشل میڈیا کے مرد صارفین کمنٹس سیکشن میں ٹھنڈی آہیں بھرتے نظرآرہے ہیں توکچھ خواتین صارفین نے ان کے ہیئراسٹائل کو تنقید کا نشانہ بناتے ہوئے اسپتالوں سے بچے چرانے والی دائی سے تشبیہہ دی تو کچھ نے انہیں ڈائن کا لقب بھی دیا۔
جب کہ کچھ صارفین کا کہنا ہے کہ احد سے طلاق کے بعد سجل اورزیادہ پرکشش اورجاذب نظرہوگئی ہیں۔
لیکن سوشل میڈیا پرکیے گئے تمام ترتبصروں اورتنقید کوپس وپشت ڈال کردیکھا جائے تواس فوٹوشوٹ میں سجل نے اپنے چہرے کے تاثرات اور آنکھوں سے بہت سی ان کہی کہانیوں اور نا آسودہ خواہشات کو بیان کردیا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News