پاکستان کرکٹ بورڈ (پی سی بی) کے چیئرمین رمیز راجہ نے انٹرنیشنل کرکٹ کونسل (آئی سی سی) کی جانب سے مالیاتی شیئرز کی غیر منصفانہ تقسیم پر برہمی کا اظہار کیا ہے۔

تفصیلات کے مطابق رمیز راجہ  فیوچر ٹور پروگرام (ایف ٹی پی) کے ن آئندہ جنرل میٹنگ میں اس مسئلے پر بات کریں گے اور ٹیم کی درجہ بندی یا تجارتی امکانات کی بنیاد پر فنڈز کی تقسیم کے لیے ایک نیا نظام تجویز کریں گے۔

انہوں نے  کہا کہ کرکٹ بورڈز کے لیے شیئر بیس یا تو کرکٹ پر مبنی ہونا چاہیے ، تمام فارمیٹ میں ٹاپ رینک برقرار رکھنے والی ٹیم کو اسی کے مطابق فنڈنگ ​​ملنی چاہیے۔

چیئرمین پی سی بی نے کہا کہ یہ غیر منصفانہ ہو گا اگر پاکستان کو پاک بھارت  میچز کے ذریعے حاصل ہونے والی آمدنی کا صرف 10 فیصد حصہ ملے جبکہ بھارت کو 90 فیصد ملے۔

رمیز  راجہ نے پاکستان کو کرکٹ کی دوسری بڑی معیشت بنانے کی خواہش کا اظہار بھی  کیا۔

رمیز راجہ کا کہنا تھا کہ کسی بھی بورڈ کی معاشی طاقت کو غیر ضروری طور پر جھکانا سمجھداری نہیں ہے، اگر میں ان کی جگہ ہوتا تو میں بھی پہلا انتخاب ہونے کو اپنا حق سمجھتا۔

 انہوں نے دعویٰ کیا کہ اسی لیے میں خود کو کرکٹ کی دوسری بہترین معیشت بنانا چاہتا ہوں۔

چیئرمین پی سی بی رمیز راجہ نے مزید کہا کہ میں آئی سی سی کی میز پر بیٹھ کر فخر محسوس کرتا ہوں، دوسرے بورڈز کے برعکس جو اپنے خزانے کے لیے بی سی سی آئی کی طرف دیکھتے ہیں، ہم خوش قسمت ہیں کہ ہم اپنے پیروں پر کھڑے ہیں، ہماری عزت ہے اور ہماری ٹیم بین الاقوامی کرکٹ میں اچھی کارکردگی کا مظاہرہ کر رہی ہے۔