بلاول بھٹو زرداری نے پیپلز بس سروس کا افتتاح کردیا

ویب ڈیسک

27th Jun, 2022. 02:09 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بلاول بھٹو زرداری نے پیپلز بس سروس کا افتتاح کردیا

چیئرمین پیپلز پارٹی بلاول بھٹو زرداری کی جانب سے پیپلز بس سروس کا افتتاح کردیا گیا ہے۔

کراچی کے شہریوں کے لئے بڑی خوش خبری، چیئرمین پی پی پی بلاول بھٹو زرداری نے پیپلز بس سروس کا افتتاح کردیا@BBhuttoZardari #PeoplesBusService pic.twitter.com/fPPjR5LD0d
— PPP (@MediaCellPPP) June 27, 2022

اس موقع پر چیئرمین بلاول بھٹو زرداری نے شارع فیصل پر بس میں سفر، مسافروں کو دی جانے والی سہولیات کا جائزہ لیا اور افتتاح کے بعد پیپکلز بس سروس میں بیٹھ کر روانہ ہوئے۔

خیال رہے کہ پہلے مرحلے میں، 30 بسوں کا بیڑا ماڈل کالونی سے ٹاور تک 29 کلومیٹر طویل روٹ پر چلے گا، سات روٹس بنائے گئے ہیں اور کم از کم 240 بسیں مرحلہ وار چلائی جائیں گی جبکہ کرایہ 25 سے 50 روپے تک ہو گا۔

دوسری جانب پیپلز پارٹی کے رہنما سعید غنی نے پیپلز بس کے افتتاح پر ویڈیو بیان میں کہا ہے کہ سندھ حکومت کے لئے بہت خوشی کی بات ہے، یہ منصوبہ تاخیر کا شکار ہو رہا تھا جس پرمیں کراچی والوں سے معذرت خواہ ہوں۔

انہوں نے کہا کہ آج سے لاڑکانہ کے شہری اور کراچی کے شہری ان بسز میں سفر شروع کر دیں گے، ان بسز میں سفر کرنے کیساتھ ساتھ ان بسز کا خیال بھی کریں گے۔

سعید غنی نے کہا ہے کہ میں بار بار گزارش کر رہا ہوں کہ ان بسز کو اپنی گاڑی کی طرح ، اپنی موٹر سائیکل کی طرح اور اپنے گھر کی طرح سمجھیں، اپنی پراپرٹی اپنا اثاثہ سمجھیں تاکہ یہ دیر تک شہریوں کے سامنے آسکیں۔

پیپلز پارٹی کے رہنما نے کہا کہ کرایا بھی مناسب ہے، ایئر کنڈیشن بسیں ہیں اور شہری ان بسز میں سفر آرام سے کر سکتے ہیں۔