وزیراعظم نے گیس پر چلنے والی فیکٹریوں کے لیے لوڈ شیڈنگ پالیسی پر نظرثانی کا حکم دے دیا

ویب ڈیسک

04th Jul, 2022. 12:37 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

وزیراعظم نے گیس پر چلنے والی فیکٹریوں کے لیے لوڈ شیڈنگ پالیسی پر نظرثانی کا حکم دے دیا

وزیر اعظم شہباز شریف نے متعلقہ حکام کو ہدایت کی کہ وہ فیکٹریوں کے لیے گیس کی فراہمی کی لوڈشیڈنگ پالیسی پر نظرثانی کریں ۔

سرمایہ کاری سے متعلق صنعتوں اور برآمدی شعبے کے فروغ کے لیے ایک جائزہ اجلاس کی صدارت کرتے ہوئے وزیراعظم نے کہا کہ ملک کا معاشی استحکام صنعتی شعبے کو درپیش مسائل کے حل سے منسلک ہے۔

وزیراعظم نواز شریف نے کہا کہ صنعتوں کو ہر ممکن سہولت فراہم کرنے سے ملک اپنی مصنوعات کو بین الاقوامی مارکیٹ میں پیش کرنے کے قابل ہو جائے گا۔

انہوں نے ہدایت کی کہ گیس لوڈشیڈنگ کے شیڈول اور ان فیکٹریوں کے لیے پالیسی کا جائزہ لیا جائے جو اپنے کام کے لیے مکمل طور پر گیس پر انحصار کرتے ہیں۔

انہوں نے وزراء سے کہا کہ وہ تاجروں کے وفود سے ان کے مسائل کے حل کے لیے ملاقاتیں کریں۔

وفاقی وزراء بشمول وزیر توانائی ڈویژن انجینئر خرم دستگیر، وزیر سرمایہ کاری بورڈ چوہدری سالک حسین، وزیر تجارت سید نوید قمر، وزیر صنعت سید مرتضیٰ محمود، وزیر پٹرولیم مصدق ملک اور رکن قومی اسمبلی شاہد خاقان عباسی، صوبائی وزیر ملک احمد خان اور ٹیکسٹائل سیکٹر کے معروف تاجروں نے اجلاس میں شرکت کی۔