صوبائی الیکشن کمشنر پنجاب سعید گل نے کہا ہے کہ ہم نے قانون و آئین کے تحت کام کرنا ہے لیکن جو الزامات لگائے جارہے ہیں اس میں کوئی حقیقت نہیں ہے۔
صوبائی الیکشن کمشنر پنجاب سعید گل نے میڈیا سے گفتگو کرتے ہوئے کہا کہ ہم مکمل طور پر غیر جانبداری سے کام کررہے ہیں۔
سعید گل کا کہنا تھا کہ ضمنی انتخابات کے رزلٹ لیٹ نہیں ہونگے اور پریزائیڈنگ افسر واٹس ایپ پر نتائج بھیج دیں گے تاہم پریزائیڈنگ افسر کے پاس قانون کے مطابق رات دو بجے تک کا نتیجہ دینے کا وقت ہوتا ہے۔
انہوں نے کہا کہ تمام نتائج کے لیے لاہورکے کیمپ آفس میں بڑی سکرین لگائی گئی ہے۔
انہوں نے بتایا کہ تمام آراوز کے کیمپ آفس سے پریزائیڈنگ آفیسر سامان لے کر جائیں گے، سامان لے جانے کے لیے سیکورٹی کی الگ الگ گاڑیاں ہیں، اسکے علاوہ پولیس تعینات ہے اور رینجرز کیو آر ایف کی صورت میں موجود ہوگی۔
کیال رہے کہ گزشتہ روز سعید گل نے پریس کانفرنس کرتے ہوئے کہا تھا کہ پریس کانفرنس کا مقصد انتخابات کی تیاریوں کے حوالے سے بریف کرنا تھا، صبح عدالت گیا تو میرے بیان کو غلط رنگ دیا گیا، میں نے کراچی کے حوالے سے صرف ایک کیس کی بات کی تھی۔
سعید گل نے کہا کہ شہروں میں 100 میٹر کے اندر سیاسی کیمپ نہیں لگایا گیا، کوئی بھی پارلیمنٹرین نہ پولنگ اسٹیشنز میں داخل ہو سکتا ہے نہ آر او آفس میں، پولنگ ایجنٹس کو پرائزائیڈنگ آفیسر کے دستخط شدہ کاپی لازمی لیں۔
صوبائی الیکشن کمشنر سعید گل کا مزید کہنا تھا کہ آبزرور کارڈ رکھنے والے کسی صحافی کو پولنگ سٹیشن کے اندر جانے سے نہیں روکا جائے گا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News