کراچی کی مقامی عدالت نے دعا زہرا کے والد مہدی کاظمی کی جانب سے دائر درخواست مسترد کردی۔
تفصیلات کے مطابق ایڈیشنل ڈسٹرکٹ اینڈ سیشن جج شرقی کی عدالت نے دعا زہرا کیس کے تفتیشی افسرکی تبدیلی سے متعلق درخواست کا فیصلہ سنا دیا۔
عدالت نے اپنے فیصلے میں کہا کہ جوڈیشل مجسٹریٹ نے پولیس کی جانب سے جمع کرائے گئے چالان پر تاحال کوئی فیصلہ نہیں کیا۔ اگرکیس کا چالان منظورہو بھی جائے تو درخواست گزار کے پاس اپیل کا حق ہے۔
عدالت نے کہا کہ دعا زہرا کی عمر کا تنازع تاحال میڈیکل بورڈ کے پاس زیر التوا ہے۔ اس مرحلے پرکیس کے تفتیشی افسرکو تبدیل کرنے کی کوئی وجہ سامنے نہیں آئی۔
جوڈیشل مجسٹریٹ شرقی نے اپنے فیصلے میں مذید کہا کہ دعا زہرا کی عمر کا تنازع میڈیکل بورڈ کے پاس تفتیشی افسر میڈیکل بورڈ کی کارروائی یا رائے میں مداخلت نہیں کر سکتے ہیں ۔ اس مرحلے پر درخواست مسترد کی جاتی ہے۔
واضح رہے کہ دعا زہرا کے والد مہدی کاظمی نے کیس کے تفتیشی افسرشوکت شاہانی کی تبدیلی کی درخواست دائر کی تھی۔
درخواست میں مؤقف اختیار کیا گیا تھا کہ کیس کے تفتیشی افسرجانبدار ہیں ان پر اعتماد نہیں رہا ہے۔ کیس کی تفتیش کسی غیر جانبدار ایماندار آفیسر سے کرائی جائے۔
دعا زہرا کے اغوا کا مقدمہ الفلاح تھانے میں درج ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News