سابق وفاقی وزیر فواد چوہدری نے کہا ہے کہ شہباز شریف کو اب وزیراعظم کے عہدے سے استعفیٰ دیکر نئے الیکشن کا اعلان کر دینا چاہئیے۔

پی ٹی آئی رہنما فواد چوہدری نے میڈیا سے گفتگو کرتے ہوئے کہا ہے کہ اللہ تعالی نے الیکشن میں بہت کرم کیا ہے اور اب ہمارے لائحہ عمل سے زیادہ ن لیگ اور پیپلز پارٹی کا لائحہ عمل اہم ہے۔

انہوں نے کہا کہ ایسے احمکانہ باتیں نہ کی جائے کہ جب تک سیاست ٹھیک نہیں ہوگی تب تک معیشت کیسے ٹھیک ہوگی کیونکہ پاکستان کا مسئلہ سیاسی ہے جس نے سیاسی طریقے سے حل ہونا ہے۔

انہوں نے مزید کہا کہ مسلم لیگ ن کو مشورہ ہے کہ جلد سے جلد نئے الیکشن کا اعلان کرے، بیٹھ کر فریم ورک طے کریں  اور الیکشن کمیشن پر بات چیت کی جائے۔

اس سے قبل پی تی آئی رہنما اسد عمر نے اپنے پیغام میں کہا کہ امپورٹڈ حکومت کی نااہلی سے روپیہ بتدریج اپنی قدر کھو رہا ہے اور یہ سیاسی غیر یقینی صورتحال معیشت کو تباہ کر رہی ہے۔

Rupee in a free fall. Has crossed 215. This political uncertainty is bleeding the economy and inflicting tremendous pain on the people. Time to stop this badly conceived, badly executed, totally gone wrong experiment. Pakistan cannot be made to suffer anymore for poor decisions

— Asad Umar (@Asad_Umar) July 18, 2022

انہوں نے کہا کہ عوام اس صورتحال سے شدید تکلیف میں مبتلا ہیں اور اب اس غلط تجربے کو مکمل طور پر روکنے کا وقت ہے، ناقص فیصلوں پر پاکستان کو اب مزید نقصان نہیں پہنچایا جا سکتا ہے۔