سابق وزیراعظم عمران خان کی جانب سے سیاسی کمیٹی کا اہم اجلاس آج طلب کرلیا گیا ہے۔

تفصیلات کے مطابق پنجاب کابینہ کی تشکیل اور دیگر سیاسی فیصلوں کے لئے چیئرمین پی ٹی آئی نے اہم اجلاس طلب کرلیا ہے۔

اجلاس میں پارٹی کے مرکزی راہنما شرکت کرینگے جس میں پنجاب کابینہ کی تشکیل سمیت دیگر اہم امور پر مشاورت کی جائے گی۔

اجلاس کے دوران عمران خان پارٹی راہنماوں کو اہم ہدایات بھی جاری کرینگے۔

اس سے قبل سابق وزیر اعظم عمران خان سے وزیر اعلیٰ پنجاب چوہدری پرویز الٰہی اور مونس الہٰی کی ملاقات ہوئی ہے۔

اس موقع پر چیئرمین پی ٹی آئی نے پرویز الٰہی کو وزیر اعلیٰ بننے پر مبارکباد دی۔

 ملاقات میں موجودہ سیاسی صورتحال اور آئندہ کی حکمت عملی پر تبادلہ خیال ہوا جبکہ پنجاب کابینہ کی تشکیل پر بھی مشاورت کی گئی۔

دونوں رہنماؤں کے درمیان اتفاق ہوا کہ صوبے کی عوام نے جو اعتماد کیا اس پر بھرپور پورا اتریں گے۔

چیئرمین پی ٹی آئی اور سابق وزیر اعظم عمران خان کا کہنا تھا کہ عوام کو ریلیف کے لیے کوئی کسر نہ اٹھا رکھی جائے، پنجاب کی عوام نے چوروں کے ٹولے کو مسترد کر دیا ہے۔

خیال رہے کہ گزشتہ روز سپریم کورٹ کی جانب سے ڈپٹی اسپیکر کی روولنگ کالعدم قرار دیئے جانے کے بعد صوبائی اسمبلی تحلیل کردی گئی تھی ۔

عدالتی فیصلے کے بعد چوہدری پرویز الٰہی پنجاب کے  نئے وزیراعلیٰ منتخب ہوئے تھے جن کی حلف برداری دیر رات ایوان صدر میں ہوئی تھی۔

وزیراعلیٰ پنجاب کی تقرری کے بعد صوبائی کابینہ کی تشکیل ایک اہم مرحلہ ہے جس کے لئے ق لیگ اور پی ٹی آئی کے درمیان اہم مشاورت کی جائیگی۔

یاد رہے کہ چوہدری پرویز الٰہی ق لیگ اور پی ٹی آئی کی جانب سے وزیعلیٰ پنجاب کے عہدے کے لئے نامزد امیدوار تھے۔