بالی وڈ کی اُبھرتی ہوئی اداکارہ اننیا پانڈے نے بالی وڈ کے کنگ خان کے بیٹے آریان خان کے حوالے سے اہم انکشاف کردیا۔
غیر ملکی خبررساں ادارے کتے مطابق اداکارہ اننیا پانڈے نے اعتراف کیا ہے کہ ان کا بھارتی فلم انڈسٹری کے بادشاہ شاہ رخ خان کے بیٹے آریان خان پر کرش تھا۔
حال ہی میں اننیا پانڈے نے اپنے ساتھی اداکار وجے دیوراکونڈا کے ساتھ کرن جوہر کے مشہور شو ’کافی ود کرن‘ میں شرکت کی۔
شو کے دوران کرن جوہر نے اننیا پانڈے سے بہترین دوست سہانا خان اور شانایا کپور کے ساتھ شاہ رخ خان کے گھر ’منت کے کوریڈورز‘ میں کھیلتے بڑے ہونے کے بارے میں سوال کیا کہ کیا وہ شاہ رخ خان کے بیٹے آریان خان کو پسند کرتی ہیں؟
سوال کے جواب میں اداکارہ نے کہا کہ آریان خان بہت پیارے ہیں اور میرا آریان پر کرش بھی تھا۔
کرن جوہر نے پوچھا مزید سوال کیا کہ پھر آریان کے ساتھ آپ کی بات آگے کیوں نہیں بڑھ سکی؟
جس پر اداکارہ نے مسکرا کر کہا کہ یہ سوال آپ آریان سے پوچھیے گا۔
کرن جوہر نے اننیا سے ایک اورسوال کیا کہ آگے آریان اور آپ میں دوستی قائم رہے گی، کیونکہ ابھی شانایا اور سوہانا بھی جلد ہی بالی ووڈ میں قدم رکھنے والی ہیں۔
اداکارہ نے اس سوال کاجواب دیتے ہوئے کہا کہ بالکل، کیونکہ اب یہ دوستی بھی نہیں رہی، بلکہ مجھے لگتا ہے کہ ہم فیملی ہیں اور ہمیشہ سے ایک فیملی کی طرح ہی رہے ہیں۔
اُنہوں نے کہا کہ میں اس بات پر یقین کرنا چاہوں گی کہ شانایا اور سوہانا کے بالی ووڈ میں آنے سے ہماری دوستی پر کوئی اثر نہیں پڑے گا، کیونکہ میرے خیال میں ہم سب ایک دوسرے سے حقیقی محبت کرتے ہیں۔
ساتھ ہی اداکارہ اننیا پانڈے نے بتایا کہ یہ خواب ہم نے مل کر دیکھا تھا، ہم سب ہی بڑے ہو کر اداکار بننا چاہتے تھے۔
تاہماس بارے میں ہم نے ایک دوسرے سے اس حوالے سے بہت ساری باتیں بھی کی ہیں۔
اداکارہ اننیا پانڈے نے کہا کہ میں شانایا اور سوہانا کی کامیابی سے بھی اتنا ہی خوش ہوں گی جتنا میں اپنے لیے ہوں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News