پاکستان اسٹاک ایکسچینج میں کاروباری ہفتے کے چوتھے روز انڈیکس میں منفی رجحان ریکارڈ کیا گیا ہے۔

تفصیلات کے مطابق پاکستان اسٹاک ایکسچینج (پی ایس ایکس) میں کاروباری ہفتے کے چوتھے روز انڈیکس میں اتار چڑھاؤ رہا، مندی کے باعث دن کے اختتام پر 100 انڈیکس میں 251 پوائنٹس کی کمی ہوئی۔

پی ایس ایکس 100 انڈیکس 251 پوائنٹس کی کمی سے 42 ہزار 243 پر بند ہوا ہے۔

کاروباری دن میں 100 انڈیکس 463 پوائنٹس کے بینڈ میں رہا جبکہ حصص بازار میں آج 28 کروڑ شیئرز کے سودے پونے 8 ارب روپے میں طے ہوئے۔

مارکیٹ کیپٹلائزیشن 5 ارب روپے کم ہو کر 7 ہزار 83 ارب روپے ہے۔

دوسری جانب انٹر بینک میں ڈالر کی قدر میں  مسلسل کمی کا رجحان برقرار ہے، انٹر بینک میں ڈالر کی قدر میں کاروباری ہفتے کے چوتھے روز کمی ریکارڈ کی گئی ہے۔

Interbank closing #ExchangeRate for todayhttps://t.co/en7V25AuQb pic.twitter.com/ZPedwd7b8R

— SBP (@StateBank_Pak) August 11, 2022

اسٹیٹ بینک آف پاکستان کی جانب سے جاری کردہ اعداد و شمار کے مطابق انٹربینک میں ڈالر کی قدر میں  3 روپے 3  پیسے کی کمی ہوئی ہے۔

فاریکس ڈیلرز کے مطابق انٹربینک میں ڈالر 221.91 سے کم ہو کر  218.88 روپے پر بند ہوا ہے۔