پاکستان تحریک انصاف (پی ٹی آئی) کے رہنما عمر سرفراز چیمہ کا کہنا ہے کہ پی ٹی آئی نے پاکستان کی سیاست اور جمہوریت میں جدت پیدا کی ہے۔

سماجی رابطے کی ویب سائٹ ٹوئٹر پر اپنے جاری کردہ بیان میں عمر سرفراز چیمہ نے کہا کہ پی ٹی آئی وہ سیاسی جماعت ہے جس نے پاکستان کی سیاست اور جمہوریت میں جدت پیدا کی ہے۔

پی ٹی آئی وہ سیاسی جماعت ہے جس نے پاکستان کی سیاست اور جمہوریت میں جدت پیدا کی ہے ، روائتی سیاسی جماعتیں ملک دشمن عناصر کی غلامی، آمرانہ مزاج اور ایک دوسرے سے کرپشن لوٹ مار میں آگے بڑھنے کے نت نئے فارمولے بنانے میں مہارت حاصل کرتی رہی ہیں

— Omar Sarfraz Cheema (@OmarCheemaPTI) August 3, 2022

سابق گورنر پنجاب نے مزید کہا کہ روائتی سیاسی جماعتیں ملک دشمن عناصر کی غلامی، آمرانہ مزاج  اور ایک دوسرے سے کرپشن لوٹ مار میں آگے بڑھنے کے نئے فارمولے بنانے میں مہارت حاصل کرتی رہی ہیں۔

واضح رہے کہ ممنوعہ فنڈنگ کے معاملے پر پی ٹی آئی کی مرکزی قیادت کے نام ایگزٹ کنٹرول لسٹ (ای سی ایل) میں ڈالے جانے کا امکان ہے۔

خیال رہے کہ الیکشن کمیشن نے 8 سال بعد پاکستان تحریک انصاف کی ممنوعہ فارن فنڈنگ کیس کا فیصلہ سنایا جس میں الیکشن کمیشن نے کہا کہ پی ٹی آئی نے ممنوعہ فنڈنگ لی، ممنوعہ فنڈنگ ثابت ہونے پر پی ٹی آئی کو شوکاز نوٹس بھی جاری کر دیا گیا ہے، فیصلے میں کہا گیا ہےکہ کیوں نہ ان کے ممنوعہ فنڈز ضبط کیے جائیں، الیکشن کمیشن دفتر قانون کے مطابق باقی کارروائی بھی شروع کرے۔