میڈیا ورکرز کو بیروزگار کرنے والا عمران خان ہے، مریم اورنگزیب

صدیق ساجد

17th Aug, 2022. 07:23 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

میڈیا ورکرز کو بیروزگار کرنے والا عمران خان ہے، مریم اورنگزیب

مریم اورنگزیب نے کہا ہے کہ میڈیا ورکرز کو بیروزگار کرنے والا عمران خان ہے۔

تفصیلات کے مطابق وفاقی وزیر اطلاعات و نشریات مریم اورنگزیب نے اپنے ایک بیان میں کہا کہ ایک فاشسٹ میڈیا کی آزادی کا ٹھیکیدار نہیں ہو سکتا ہے۔

انہوں نے کہا کہ چار سال تک عمران خان وزیر اعظم کی کرسی پر بیٹھ کر میڈیا کا قتل کرتے رہے، چار سال میڈیا کا قتل اور اب میڈیا کی آزادی کی بات شرم آنی چاہیے۔

وفاقی وزیر اطلاعات و نشریات نے یہ بھی کہا کہ انٹرنیشنل میڈیا واچ نے عمران خان کو فاشسٹ قرار دیا ہے، صحافیوں کی پسلیاں توڑنے والا عمران خان ہے اور صحافیوں کو اغوا کرنے والا عمران خان ہے۔

ان کا کہنا تھا کہ میڈیا کو نیب کے ذریعے کنٹرول کرنے والا عمران خان ہے جبکہ میڈیا کی آزادی کو کچلنے والا، پارلیمان میں تالے لگوانے والا عمران خان ہے۔

مریم اورنگزیب کا یہ بھی کہنا تھا کہ دس ہزار سے زائد میڈیا ورکرز کو بیروزگار کرنے والا عمران خان ہے، میڈیا کا معاشی قتل کرنے والا عمران خان ہے۔

وفاقی وزیر اطلاعات و نشریات مریم اورنگزیب کا مزید کہنا تھا کہ میڈیا میں تفریق پیدا کرنے والا عمران خان ہے جبکہ میڈیا کو پریشرائز کرنے والا عمران خان ہے۔