بالی وڈ کی ہردل عزیز اداکارہ کرینہ کپور نے بھی فلم لال سنگھ چڈھا کے خلاف جاری بائیکاٹ مہم پر آواز بلند کر لی۔
غیر ملکی خبر رساں ادارے کے مطابق اداکارہ کرینہ کپور نے بالی ووڈ میں دقیانوسی سوچ پر مشتمل ٹرینڈ پر اپنی رائے کا اظہار کرتے ہوئے کہا کہ ہر کسی کی اپنی اپنی رائے ہے۔
حالیہ انٹرویو میں اداکارہ کرینہ نے کہا کہ بلاشبہ ہر کسی کو سوشل میڈیا تک رسائی ہے اور یہی اب ہر کسی کی آواز ہے۔
کرینہ کپور نے کہا کہ اب مختلف پلیٹ فارمز ہیں، آپ کو کچھ چیزیں نظر انداز کرنا سیکھنا ہے ورنہ آپ کے لیے زندگی گزارنا ناممکن ہوجائے گا اور یہی وجہ ہے کہ میں ان چیزوں کو سنجیدگی سے نہیں لیتی۔
انہوں نے مزید کہا کہ مجھے جو بھی پوسٹ کرنا ہوتا ہے میں کرتی ہوں، میرے نزدیک یہ ایک فلم ہے اور ہر کسی کی اپنی رائے ہوسکتی ہے، بس!۔
کرینہ کپور خان نے باتجاری رکھتے ہوئے کہا کہ ان کی فلم لال سنگھ چڈھا ایک اچھی فلم ہے اور یہ ہر رکاوٹ عبور کرے گی اور فلم بینوں کی طرف سے اس پر اچھا ردِعمل آئے گا۔
یاد رہے کہ اداکارہ کرینہ کپور خان کا یہ ردِعمل ایسے وقت میں سامنے آیا جب عامر خان نے مداحوں سے درخواست کی کہ ان کی فلم کا بائیکاٹ نہ کیا جائے بلکہ ان کی فلم دیکھی جائے۔
واضح رہے کہ عامر خان کی فلم لال سنگھ چڈھا کے خلاف بائیکاٹ کی مہم ان کے ایک بیان کو لے کر جاری ہے جب انہوں نے چند سال قبل بھارت سے متعلق اپنی رائے کا اظہار کیا تھا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News