عدالتِ عظمٰی نے نیب ترامیم کے خلاف عمران خان کے وکیل کی ترمیم شدہ درخواست سماعت کیلئے منظورکر لی۔ 

سپریم کورٹ میں نیب ترامیم کیخلاف عمران خان کی درخواست پرسماعت ہوئی۔ چیف جسٹس پاکستان کی سربراہی میں تین رکنی بنچ نے سماعت کی۔

سپریم کورٹ کے تین رکنی بنچ میں جسٹس منصورعلی شاہ اورجسٹس اعجازالاحسن شامل تھے۔

سماعت کے آغازمیں چیف جسٹس پاکستان جسٹس عمرعطابندیال نے کہا کہ ہم آج ایک بجے تک کیس سنیں گے۔ دوبارہ اگلے ماہ کے آخر میں کیس لگائیں گے۔

وکیل عمران خان خواجہ حارث نے کہا کہ تحریری معروضات جمع کرا دی ہیں۔

چیف جسٹس پاکستان نے کہا کہ کوشش کریں ایک گھنٹے کے اندر نئی درخواست سے متعلق ہمیں اہم نکات بتا دیں۔

وکیل وفاقی حکومت مخدوم علی خان نے عدالت سے کہا کہ ترمیم شدہ درخواست پر تفصیلی جواب جمع کراؤں گا۔

سپریم کورٹ نے عمران خان کے وکیل کی ترمیم شدہ درخواست سماعت کیلئے منظورکرلی۔

چیف جسٹس پاکستان نے کیس کی سماعت 26 ستمبرسے شروع ہونے والے ہفتے تک ملتوی کر دی۔

دوسری جانب شوکت ترین نے سپریم کورٹ میں رینٹل پاورپراجیکٹ نیب ریفرنس کالعدم قراردینے کی درخواست واپس لے لی۔

وکیل شوکت ترین نے مؤقف پیش کیا کہ میرے مؤکل شوکت ترین ریفرنس میں بری ہوچکے ہیں۔ شوکت ترین کے بری ہونے کے باعث درخواست غیرمؤثر ہوچکی ہے۔

سپریم کورٹ نے درخواست واپس لینے کی بنیاد پرنمٹا دی۔

چیف جسٹس پاکستان عمرعطا بندیال کی سربراہی میں دو رکنی بینچ نے سماعت کی۔