اسٹار اسپنر راشد خان نے کہا کہ افغانستان ٹوئنٹی 20 ورلڈ کپ میں انگلینڈ کے خلاف اپنی ابتدائی شکست سے واپسی کرے گا۔

تفصیلات کے مطابق ہفتہ کو پرتھ میں انگلینڈ نے افغانستان کو صرف 112 رنز پر آؤٹ کر دیا لیکن راشد کی قیادت میں افغان اسپن فورس نے پانچ وکٹیں لے کر مخالف ٹیم کو 19ویں اوور تک گھسیٹ لیا تھا۔

لیگ اسپنر راشد خان نے کہا کہ لڑکوں کے لیے یہ پہلا کھیل تھا اور ٹیم کے تمام نوجوانوں کے لیے ایک مختلف ماحول بھی تھا، پہلی بار آسٹریلوی کنڈیشنز میں کھیلنا اور150 پلس کی رفتار سے باؤلرز کا سامنا کرنا لڑکوں کے لیے پہلا تجربہ تھا۔

راشد نے امید ظاہر کی ہے کہ ٹیم یقینی طور پر کم بیک کرے گی ان کے بقول کچھ امید افزا ٹیلنٹ موجود ہے اور ہم آنے والے میچز میں بہت بہتر ہونے جا رہے ہیں۔ بیٹنگ وہ شعبہ ہے جس پر ہمیں کام کرنے کی ضرورت ہے۔

افغانستان کا اگلا مقابلہ بدھ کو میلبورن میں نیوزی لینڈ سے ہوگا۔

راشد نے انگلینڈ کے خلاف اپنے چار اوورز میں 1-17 کی متاثر کن کارکردگی دکھائی اور انہیں ساتھی اسپنرز محمد نبی نے بھرپور سپورٹ کیا۔

راشد نے کہا کہ جس طرح سے ہم نے باؤلنگ کی اس حساب سے ہم 150-160 کے درمیان ٹوٹل کرتے ہیں تو میچ میں فائٹ کر سکتے ہیں۔

راشد نے کہا کہ وہ، مجیب اور نبی، آسٹریلیا کی بگ بیش لیگ میں کھیلنے کے اپنے تجربے سے فائدہ اٹھا سکیں گے۔

اس سال کے شروع میں متحدہ عرب امارات میں ہونے والے ایشیا کپ ٹی ٹوئنٹی ٹورنامنٹ میں افغانستان نے سری لنکا اور بنگلہ دیش کو شکست دی تھی۔

ایشیا کپ میں آخری اوور کے سنسنی خیز مقابلے میں پاکستان سے ہارنے کے بعد وہ آخری جگہ سے باہر ہو گئے تھے۔

لیگ اسپنر راشد خان نے کہا کہ افغانستان اپنے دن کسی کو بھی ہرا سکتا ہے۔