نثار کھوڑو نے کہا ہے کہ پیپلز پارٹی بلدیاتی انتخابات کے لئے تیار ہے۔

تفصیلات کے مطابق صدر پی پی پی سندھ نثار کھوڑو نے اپنے ایک بیان میں کہا کہ عمران خان کا لانگ مارچ نہیں فرلانگ مارچ ہے۔

نثار کھوڑو نے کہا کہ عمران خان کے اس طرح کے فرلانگ مارچ اور جلسوں سے کچھ نہیں ہوگا۔

ان کا کہنا تھا کہ الیکشن کمیشن کے کراچی اور حیدرآباد ڈویژن میں 15 جنوری کو بلدیاتی انتخابات کے فیصلے کو ویلکم کرتے ہیں۔

نثار کھوڑو کا یہ بھی کہنا تھا کہ پیپلز پارٹی بلدیاتی انتخابات کے لئے تیار ہے، عام انتخابات مقررہ مدت پر آئندہ سال ہونگے اور الیکشن کمیشن شفاف انتخابات کے انعقاد کے لئے اپنی ذمیداری ادا کرے گا۔

صدر پی پی پی سندھ نثار کھوڑو کا مزید کہنا تھا کہ سندھ حکومت 4 ڈویژن میں پہلے ہی بلدیاتی انتخابات کراچکی ہے اب صورتحال ایسی ہے کے دوسرے مرحلے کے بھی بلدیاتی انتخابات کرائے جائیں۔