ہتکِ عزت کا دعویٰ، عمران خان کے اعتراضات پر وکلا کی طلبی

منیر باجوہ

24th Nov, 2022. 04:45 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ہتکِ عزت کا دعویٰ، عمران خان کے اعتراضات پر وکلا کی طلبی

لاہور کی مقامی عدالت نے سابق وزیراعظم عمران خان کے اعتراضات پر وکلا کو 29 نومبرکو مزید دلائل کیلئے طلب کر لیا۔

تفصیلات کے مطابق سیشن عدالت لاہور میں سابق وزیراعظم عمران خان کیخلاف ہتک عزت دعوی کی سماعت ہوئی۔

مقامی عدالت نے دعوی پر اٹھائے گئے عمران خان کے اعتراضات پر وکلاء کو 29 نومبر کو مزید دلائل کیلئے طلب کر لیا۔

ایڈیشنل سیشن جج محمد آصف نے شہباز شریف کے ہتک عزت دعوی پر سماعت کی۔

وزیراعظم شہبازشریف نے عمران خان کے خلاف ہرجانے کا دعویٰ دائر کررکھا ہے۔

وزیراعظم شہباز شریف کی جانب سے مؤقف اپنایا گیا کہ عمران خان نے جھوٹ بولا تھا کہ شہباز شریف نے پانامہ لیکس پرسمجھوتہ کے لئے انہیں دس ارب کی پیشکش کی،

شہباز شریف کی جانب سے مؤقف پیش کیا گیا کہ عمران خان کے جھوٹ اور بے بنیاد الزامات سے میری ساکھ کو نقصان پہنچا، ذہنی اذیت ہوئی۔ استدعا ہے کہ عمران خان کیخلاف دس ارب روپے ہرجانے کی ڈگری جاری کی جائے۔